Almatyda 40 jastaǵy azamat páterlerdi memlekettik baǵdarlama boıynsha satqan.
Almaty qalasynda 40 jastaǵy er adam birqatar alaıaqtyq jasady degen kúdikke ilindi, dep habarlaıdy Almaty-akshamy.kz Polisia.kz-ke silteme jasap.
Áýezov aýdandyq polısıa basqarmasynyń málimetinshe, resmı túrde aryzben 10 adam júgingen.
– Jábirlenýshilerdiń aıtýynsha, er adam memlekettik baǵdarlama boıynsha óte tıimdi sharttarmen, mindetti aldyn ala tólemmen páter alýdy usynǵan. Oǵan aqsha aýdarylǵannan keıin er adam baılanysqa shyǵýyn toqtatqan. Jedel sharalar júrgizilip, kúdikti ustaldy. Qazirgi ýaqytta qalanyń basqa aýdandarynda da osyndaı alaıaqtyq derekterin anyqtaý boıynsha jumystar men tergeý sharalary júrgizilip jatyr, — dedi Áýezov aýdandyq polısıa basqarmasynyń bastyǵy Ulan Ábilqaıyr.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi, 1-tarmaǵy, QR QK-niń 19-baby 1-tarmaǵyna saı, kez kelgen azamat sot sheshimi zańdy kúshine engenge deıin kinásiz dep sanalady.