Almatyda kólik polıseıleri memleketaralyq izdeýde júrgen eki sheteldikti ustady, – dep habarlaıdy Aqshamnews.kz tilshisi Polisia.kz-ke silteme jasap.
Kóliktegi polısıa departamentiniń qyzmetkerleri qylmystyq jaýapkershilikten jasyrynyp júrgen tulǵalardy anyqtaý jáne ustaý boıynsha jumystaryn jalǵastyryp jatyr. "Quqyqtyq tártip" jáne "Zańsyz mıgrant" jedel-profılaktıkalyq is-sharalaryn júrgizý barysynda Kóliktegi PD qyzmetkerleri 12 qylmyskerdi ustap, 1 iz-tússiz joǵalǵan adamdy anyqtady.
Aıtalyq, 11 qyrkúıekte Almaty qalasynda asa aýyr qylmys jasaǵan 33 jastaǵy sheteldik ustaldy. Sondaı-aq 15 qyrkúıekte 49 jastaǵy taǵy bir sheteldik azamat ustaldy. Ol úsh jyl boıy esirtki quraldaryn nemese psıhotroptyq zattardyń zańsyz aınalymǵa shyǵarǵany úshin aıypty bolyp, memleketaralyq izdeýde júrgen. Kólik polıseıleriniń kásibıliginiń arqasynda izdeýde bolǵandardyń júrgen jerleri jedel anyqtalyp, olar ustaldy. Qazir ekeýi de qamaýǵa alyndy.
İzdestirý bastamashysyna habarlanyp, ekstradısıalaý máselesi boıynsha jumys júrgizilip jatyr. Kóliktegi polısıa departamenti quqyqtyq tártipti qamtamasyz etý jáne qoǵamdyq qaýipsizdikke qater tóndiretin tulǵalardyń el aýmaǵyna ótýine jol bermeý boıynsha jumystaryn jalǵastyryp jatyr.