ÓKQ brıfıńine qatysqan quqyqtyq túsindirý jumystary jáne halyqqa zańgerlik qyzmet kórsetý bóliminiń bas mamany Ádilet Qadyrov Qazaqstan Respýblıkasynyń Konstıtýsıasy men zańnamalyq aktilerinde árbir adamnyń azamattyq, ákimshilik jáne qylmystyq proseste belgilengen normalarǵa sáıkes bilikti zań kómegin alýǵa quqyǵy qarastyrylǵanyn aıtty, dep habarlaıdy Almaty-akshamy.kz.
Memleket kepildik bergen zan kómegin kórsetý júıesine qatysatyn advokattardyń tizimi jyl saıyn memlekettik jane orys tilderinde merzimdi baspa basylymdarynda, sondaı-aq ınternet resýrstarynda jarıalanady.
«Bıyl Almaty qalasyna halyqqa kepildendirilgen memlekettik zań kómegin kórsetý úshin 250 mln teńgeden astam qarjy bólindi. İsterdiń aýyrlyq dárejesine qaraı advokat óz qyzmeti úshin aqy alady. İs asa aýyr emes, ákimshilik jáne azamattyq sıpatta bolsa, ol jumysynyń bir saǵaty úshin 0,56 AEK alady; eger aýyr qylmys bolsa, 0,76 AEK; asa aýyr qylmys bolsa, 1,15 AEK alady», - dedi spıker.