Bul týraly ol Almaty qalasynyń óńirlik komýnıkasıalar qyzmetiniń alańynda málimdedi.
Medısına ǵylymdarynyń doktory, Asfendıarov atyndaǵy QazUMÝ juqpaly jáne tropıkalyq aýrýlar kafedrasynyń profesory Kúlásh Qurmanova halyqty, onyń ishinde jasóspirimderdi koronavırýsqa qarsy vaksınalaýdy jedeldetý qajet dep sanaıdy, dep habarlaıdy Almaty-akshamy.kz
⁃ SARS-CoV-2 jańa juqpaly shtamdarynyń paıda bolýyna baılanysty múmkindiginshe kóp qala turǵyndary, sonyń ishinde kámeletke tolmaǵandar egilýi kerek, - deıdi profesor.
Kúlásh Qurmanova balalardy, júkti jáne emizýli áıelderdi vaksınasıalaýǵa qatysty derekter jetkilikti jınaqtalǵan dep sanaıdy. Sondyqtan Pfizer kompanıasynyń «Komırnatı» preparatynyń qaýipsizdigine alańdaýǵa nemese kúmándanýǵa negiz joq.
Sonymen qatar, profesor qalanyń «jasyl» aımaqqa kóshkennen keıin de, ásirese, JRVI-men syrqattanýshylyqtyń ósýi kezeńinde qaýipsizdik sharalaryn saqtaýdy jalǵastyrý qajet ekenin eske saldy.
Kúlásh Qurmanova koronavırýstyq pandemıa basqarylatyn kezde aıaqtalatynyna senimdi. Bul tek ujymdyq vaksınasıa jáne keıingi revaksınasıa kezinde múmkin.
- Vaksınasıanyń birinshi kýrsynan keıin 6 nemese 9 aıdan keıin revaksınasıadan ótý qajet. Antıdeneler deńgeıi birtindep tómendeıdi, al údetkish vaksına uzaq ýaqyt saqtalatyn jasýshalyq ımýnıtetti qosý arqyly olardyń aıqyn qalyptasýyna yqpal etedi, - dep keńes berdi profesor.
Ol koronavırýstyq pandemıa áli de jalǵasyp jatqanyn jáne ınfeksıanyń jańa tolqyndarynyń bolýy múmkin ekenin eske saldy. Sondyqtan jappaı ımmýndaný qajet.