Almaty qalasy Óńirlik komýnıkasıalar qyzmetiniń alańynda qala ákiminiń orynbasary Beıbit Shahanov mádenıet jáne sport salasyndaǵy jobalardyń júzege asyrylýy týraly habarlady.
Ákim orynbasarynyń aıtýynsha, Almatyda mádenıet salasynyń úsh iri nysanyn jańartý boıynsha aýqymdy jumystar júrgizilýde. Olardyń qatarynda «Raıymbek batyr» memorıaldyq kesheni de jańartylmaq, - dep habarlaıdy Aqshamnews.kz.
«Bul jumys memorıaldy qalanyń jáne eldiń rýhanı, tarıhı jáne mádenı ómirinde strategıalyq mańyzy bar qazirgi zamanǵy mádenı-tarıhı jáne aǵartýshylyq ortalyqqa aınaldyrý maqsatynda júrgizilýde. Jóndeý aıaqtalǵan soń memorıal qoǵamdyq jáne rýhanı sharalar ótkizýge arnalǵan ashyq ári fýnksıonaldy alańǵa aınalady», - dedi Beıbit Shahanov.
Bıyl naýryz aıynda N.Sas atyndaǵy teatrdyń keshendi jańartylýy bastaldy. Qaýipsizdik pen jaılylyqty qamtamasyz etý úshin qazirgi zamanǵy ınjenerlik sheshimder engizilip, sonymen qatar ǵımarattyń tarıhı kelbeti saqtalady. Jańa ǵımarat 226 zamanaýı kórermen ornyna ıe bolyp, teatrdyń syıymdylyǵyn aıtarlyqtaı arttyrady.
Sonymen qatar, Qazaqstan Jazýshylar odaǵy ǵımaratynyń jańartylý jobasy aıaqtalýǵa jaqyn. Jumystardyń aıaqtalýy 2026 jyldyń basyna josparlanǵan. Jańartylǵan keńistik ulttyq ádebıetti damytý men mádenı biregeılikti nyǵaıtýǵa baǵyttalǵan ádebı, aǵartýshylyq jáne baspa bastamalaryna arnalǵan alańǵa aınalady.
Qosymsha úsh jańa mádenı nysannyń – Jastar teatrynyń, Sırk pen Zoobaqtyń jobalaý jumystary júrgizilýde. Jastar teatrynyń qurylysyn 2026 jyldyń naýryz aıynda bastaý josparlanýda.
Beıbit Shahanovtyń aıtýynsha, Almaty dástúrli túrde eldiń sport kadrlaryn daıyndaıtyn ortalyq sanalady, sondyqtan sporttyq ınfraqurylymdy damytý basym baǵyttardyń biri.
«Bıyl Naýryzbaı jáne Túrksib aýdandarynda olımpıadalyq baseınderi bar eki jańa dene shynyqtyrý-saýyqtyrý kesheniniń qurylysyn bastaýdy josparlap otyrmyz. Kelesi jyly taǵy tórt sport kesheniniń qurylysy Saıaly, Aqjar, Qarasý jáne Shuǵyla shaǵynaýdandarynda bastalady», - dedi ol.
35 myń kórermenge arnalǵan jańa fýtbol stadıonynyń qurylysyna erekshe nazar aýdarylyp otyr. Jańa stadıonnyń UEFA-nyń 4-sanat talaptaryna tolyqtaı saı bolatyny da aıtyldy.
Budan bólek, bıyl Almatynyń sımvolyna aınalǵan «Medeý» sport keshenin jańartý jumystary bastaldy. Jańartý jumystary eki jylǵa eseptelgen. Jańǵyrtýdan keıin «Medeý» halyqaralyq deńgeıdegi sporttyq-týrıstik ortalyq mártebesin saqtap, kelýshiler úshin odan ári tartymdy bola túsedi.