Medısına qyzmetkerlerine tósbelgiler tabys etildi.
Almatyda medbıkeler men meıirgerlerdi kásibı merekesimen quttyqtady, dep habarlaıdy Almaty-akshamy.kz.
Saltanatty jıynda qala ákiminiń orynbasary Ásem Núsipova bar ǵumyryn adam densaýlyǵyna qyzmet etýge arnaǵan árbir aq halatty abzal janǵa alǵys bildirdi, dep habarlaıdy Almaty-akshamy.kz.
«Qazirgi ýaqytta medbıke dárigerdiń aıtqanyn oryndap, tirkep qana qoımaı, ózdiginshe taldaý jasap, kóptegen dıagnozdy túsine bilýi kerek. Qala ákimdiginiń atynan medbıkeler men meıirgerlerge ómirimizde bolatyn qıyn sátterdegi eńbekteri men moraldyq qoldaýy úshin alǵys aıtamyn», - dedi ol quttyqtaýynda.
Medısına qyzmetkerlerine Densaýlyq saqtaý mınıstrliginiń, ákimdiktiń qurmet gramotalary, QR Densaýlyq saqtaý mınıstriniń «Eńbek ardageri», «Densaýlyq saqtaý isine qosqan úlesi úshin», «Densaýlyq saqtaý isiniń úzdigi» tósbelgileri tabys etildi.
Qala ákimdigi medısınalyq mamandardy damytý men daıarlaý boıynsha jumys júrgizip otyr. Bıyl medısınalyq kolejderge arnalǵan granttar sany artty. 1 mlrd 464 mln teńgege 1600 grant bólindi. Byltyr 1032 granttyń somasy 886 mln teńge bolǵan edi.