Almatyda polısıa qyzmetkerleri jol qaýipsizdigin qamtamasyz etý maqsatynda túngi profılaktıkalyq reıd ótkizdi, dep habarlaıdy aqshamnews.kz Polisia.kz-ke silteme jasap.
Sharanyń maqsaty - jol-kólik oqıǵalary men jol qozǵalysy erejelerin óreskel buzýdyń aldyn alý boldy. Reıd barysynda ondaǵan zań buzýshylyqtar anyqtaldy. Kólikti mas kúıinde júrgizgeni, saqtandyrý jáne tehnıkalyq baıqaýdan ótpegeni, áınekteri qarańǵylanǵan jáne memlekettik nómirsiz kólik júrgizgeni úshin júrgizýshilerge hattamalar toltyryldy. Baǵdarshamnyń qyzyl túsine ótý, manevr jasaý erejelerin buzý, kólikti durys qoımaý jáne tótenshe jaǵdaı týǵyzý derekteri tirkeldi.
"Jol qaýipsizdigin qamtamasyz etý biz úshin basty mindet bolyp qala beredi. "Profılaktıka jyly" jáne "Zań men Tártip" qaǵıdatyn ustanyp, quqyq buzýshylyqtyń aldyn alý jumystary kún saıyn jalǵasatyn bolady", - dedi, Almaty qalalyq PD jergilikti polısıa qyzmeti basqarmasynyń bastyǵy Serik Shýmaev.