23 sáýirde sportsúıer qaýym úshin Almaty jartylaı marafony ótedi. Bıyl altynshy ret ótetin is-sharada qatysýshylar qalanyń basty kóshelerimen júgirip ótedi, dep habarlaıdy Almaty-akshamy.kz. QazAqparatqa silteme jasap.
Almaty jartylaı marafonynyń uıymdastyrý komıteti ońtústik astana turǵyndary men qonaqtaryna jarys ótetin kúni, 23 sáýirde joldardaǵy qozǵalystyń ishinara jabylatynyn málim etti.
Jarys ótetin kúni qalanyń myna joldary jabylady:
ál-Farabı dańǵylynyń soltústik jaǵynda Mustafın kóshesinen Navoı kóshesine deıingi jol bóliginde qozǵalys saǵat 00:00-den 12:00-ge deıin jabyq bolady. Ońtústik jaǵy saǵat 7:00-den 8:10-ǵa deıin jabylady.
Ál-Farabı dańǵylynyń soltústik jaǵynda Mustafın kóshesinen Nazarbaev dańǵylyna deıingi jol bóliginde qozǵalys saǵat 7:15-ten 09:40-qa deıin jabyq bolady. Ońtústik jaǵy kólik qozǵalysy úshin ashyq.
Seıfýllın dańǵylynda ál-Farabı dańǵylynan Abaı dańǵylyna deıingi jol bóliginde qozǵalys saǵat 7:40-tan 09:00-ge deıin tolyq jabylady.
Abaı dańǵylynyń ońtústik jaǵynda Saın kóshesinen Baıtursynov kóshesine deıingi jol bóliginde qozǵalys saǵat 8:40-tan 11:10-ǵa deıin jabyq bolady. Soltústik jaǵy kólik qozǵalysyna ashyq.
Abaı dańǵylynyń ońtústik jaǵynda Seıfýllın kóshesinen Baıtursynov kóshesine deıingi jol bóliginde qozǵalys saǵat 7:50-den 09:30-ǵa deıin jabyq bolady. Soltústik jaǵy kólik qozǵalysyna ashyq bolady.
Saın kóshesiniń shyǵys jaǵynda ál-Farabı dańǵylynan Abaı dańǵylyna deıingi jol bóliginde qozǵalys saǵat 08:30-dan 10:10-ǵa deıin jabylady. Batys jaǵy kólik qozǵalysyna ashyq bolady.
Derekter jarysqa qatysýshylardyń qozǵalys ýaqytynyń utymdy bólinýin eskere otyryp engizildi.
Tuńǵysh Prezıdent saıabaǵyna avtokólikpen jetý úshin usynylatyn marshrýt:
- Mustafın kóshesiniń boıymen ońtústikke qaraı ál-Farabı dańǵylyna deıin;
- Navoı kóshesiniń boıymen ońtústikke qaraı ál-Farabı dańǵylyna deıin;
- Sadyqov kóshesiniń boıymen soltústikke qaraı ál-Farabı dańǵylyna deıin;
- Dýlatı kóshesiniń boıymen soltústikke qaraı ál-Farabı dańǵylyna deıin;
- Saın kóshesiniń boıymen ońtústikke qaraı ál-Farabı dańǵylyna deıin;
- Rozybaqıev kóshesiniń boıymen ońtústikke qaraı ál-Farabı dańǵylyna deıin.
Marafon ál-Farabı dańǵylyndaǵy Tuńǵysh prezıdent saıabaǵynyń janynda bastalady, ortalyq stadıonda (Sátpaev, 29/3) aıaqtalady.
Qatysýshylar qashyqtyqtardyń birin júgirip óte alady:
Jartylaı marafon - 21,1 km;
Júgirý - 10 km;
Skandınavıalyq júris jáne Ekıden komandalyq estafetasy - 10 km.
Marafonǵa 18 jastan asqan kez kelgen adam qatysa alady. Al 15 jastan asqan qatysýshylar basqa qashyqtyqqa qatysýǵa jiberiledi.