Almatyda manáktyń paıda bolýy týraly taraǵan aqparatqa polısıa túsinikteme berdi, dep habarlaıdy aqshamnews.kz
Keshe messendjerlerde Almaty qalasynyń Juldyz-1 yqshamaýdanynda belgisiz er adamnyń balalardy qýyp, urlamaqshy bolyp júrgeni týraly aqparat tarady. Habarlamada "manáktyń" bir áıeldi uryp-soqqany aıtyldy.
Almaty qalasynyń Polısıa departamenti bul jaǵdaıǵa qatysty túsinikteme berdi.
"Áıelge dene jaraqatyn salý faktisi boıynsha qylmystyq is qozǵaldy. Kúdiktini ustaý sharalary qabyldanýda. Sonymen qatar, balalarǵa "ańshy" manák týraly aqparat shyndyqqa sáıkes kelmeıtinin habarlaımyz", - dep málimdedi polısıa departamenti ókilderi.