Almatyda Mádenıet jáne óner qyzmetkerleri kúnine oraı saltanatty is-shara ótti. Sýretshiler, dızaınerler, mýzeı mamandary, kitaphanashylar, horeograftar, akrobattar, solıser jáne shyǵarmashylyq toptardyń músheleri men ár túrli janrdaǵy artıser mádenıet jáne óner salasynyń damýyna qosqan úlesteri úshin marapattarǵa ıe boldy, dep habarlaıdy almaty-akshamy.kz
40-qa jýyq maman «Mádenıet salasynyń úzdigi» tósbelgisimen, sondaı-aq Qurmet gramotalarymen, Alǵys hattarmen marapattaldy.
«Sizderdiń el úshin jasap júrgen eńbekterińiz erekshe qurmetke ıe. Memleketimizdiń, onyń ishinde Almaty qalasynyń mádenıeti men ónerin damytýǵa, halqymyzdyń baı mádenı murasyn nasıhattaýǵa ólsheýsiz úles qosyp, ózderińizge júktelgen mindetterdi úlken abyroımen atqaryp kelesizder.Kásibı merekelerińiz qutty bolsyn! Sizderge zor alǵys aıta otyryp, aldaǵy ýaqytta da ulttyq mádenıetimizdi álemge tanytýǵa baǵyttalǵan jańa jarqsn jobalardy júzege asyrasyzdar dep kámil senemin», – dedi marapattaý rásiminde qala ákiminiń orynbasary Beıbit Shahanov.
Marapattalǵan mamandardyń tizimi Almaty qalasy ákimdiginiń saıtynda jarıalanǵan.