«Lego Juris A/S» kompanıasy ókiliniń ótinishi boıynsha Almaty qalasynyń kóterme saýda bazarlarynyń birinde kóterme saýdamen aınalysatyn «B» JSHS jospardan tys tekserý júrgizildi.
Tekserý barysynda balalar konstrýktorlarynda «LEGO» taýar belgisin zańsyz paıdalaný anyqtaldy, dep habarlaıdy aqshamnews.kz QR Ádilet mınıstrligine silteme jasap.
Nátıjesinde: 4 mıllıon teńgeden astam somaǵa 3145 kontrafaktilik ónim alyndy. Bul oıynshyqtar zıatkerlik menshik quqyǵyn buzyp qana qoımaı, balalardyń densaýlyǵyna úlken qaýip tóndiredi. Kontrafaktilik oıynshyqtarda qaýipti hımıalyq zattardyń bolýy jáne sapasyz materıaldardan jasalýy múmkindigi zor. Bul balalardyń densaýlyǵy men qaýipsizdigine aýyr zardaptar ákelýi múmkin.
Kontrafaktilik ónimder tanymal brendterge degen senimge nuqsan keltirip, adal óndirýshilerge zıan tıgizedi. Qazirgi ýaqytta QR ÁQBtK-niń 158-baby boıynsha kináli tulǵany ákimshilik jaýapkershilikke tartý boıynsha is júrgizý sharalary qabyldanýda. İstiń materıaldary kinálini odan ári jaýapqa tartý úshin sotqa jiberiletin bolady.
Ádilet organdary tutynýshylardyń qaýipsizdigi men qorǵalýyn qamtamasyz ete otyryp, kontrafaktilik ónimdi ótkizý jaǵdaılaryn anyqtaý jáne jolyn kesý jónindegi óz jumysyn jalǵastyrady.