Almaty qalasynyń soty terrorlyq akt týraly jalǵan habarlama jasaǵan er adamǵa úkim shyǵardy.
Oqıǵa ótken jyldyń jeltoqsan aıynda bolǵan, dep habarlaıdy aqshamnews.kz.
Polisia.kz-tiń habarlaýynsha, quqyq buzýshy mas kúıinde jedel qyzmetke qońyraý shalyp, qaladaǵy saýda ortalyqtarynyń birinde jarylys bolatyny týraly habar bergen. Bul aqparat túsken boıda quqyq qorǵaý organdary shuǵyl áreketke kirisip, ǵımarattan adamdardy evakýasıalap, nysandy tolyq tekserdi. Tekserý barysynda qońyraýdyń jalǵan ekeni anyqtaldy. Osylaısha, kúdiktiniń áreketi tótenshe jaǵdaılar qyzmetiniń jumysyna kedergi keltirip, materıaldyq shyǵynǵa sebep boldy. Sottyń sheshimimen ol kináli dep tanylyp, bir jylǵa bas bostandyǵynan aıyryldy.
- Mundaı jalǵan habarlamalar tótenshe qyzmetterdiń qundy resýrstaryn ysyrap etip, olardyń negizgi mindetterin atqarýyna kedergi jasaıdy. Sondaı-aq turǵyndar arasynda negizsiz úreı týǵyzady. Terrorlyq akt týraly jalǵan aqparat taratýdyń qylmystyq jaýapkershilikke ákeletinin eskertemiz. Barsha azamatty jaýapkershilikke shaqyramyz jáne mundaı áreketterdiń jazasyz qalmaıtynyn esten shyǵarmaýǵa keńes beremiz, - dedi Almaty qalalyq PD ekstremızmge qarsy kúres basqarmasynyń bastyǵy Asqat Dáýletıarov.
Quqyq qorǵaý organdary qoǵamnyń qaýipsizdigin qamtamasyz etý maqsatynda osyndaı áreketterge qatań túrde tosqaýyl qoıylatynyn atap ótti.