Bıyl 350 myńǵa jýyq aǵash otyrǵyzý josparlanǵan
Qalanyń «Almatybasjospar» ǴZI» JSHS ázirlegen «Almaty qalasyn 2030-jylǵa deıin kógaldandyrý» strategıasyna sáıkes barlyq segiz aýdan qamtyldy, dep habarlaıdy Almaty-akshamy.kz.
Jalpy, 2021 jyly 350 myńǵa jýyq aǵash otyrǵyzý josparlanǵan, onyń 64 594-i kóktemde otyrǵyzyldy. Kúz mezgilinde 285 myńnan astam aǵash otyrǵyzylady dep josparlanýda. Bıylǵy kúzdik maýsymda qalpyna keltirý jáne bastamashyldyq aǵash otyrǵyzý jumystary júrgiziledi.
Qalanyń jańa aýdandaryna asa nazar aýdarylyp jatqandyǵyn atap ótý qajet. Osylaısha aǵashtardyń basym bóligi Alataý, Naýryzbaı aýdandarynda otyrǵyzylatyn bolady.
Qazirgi kezde Túrksib aýdanynda 280 japyraqty 280 túp aǵash otyrǵyzyldy. SHAAJ men qaraǵaı ormanynda jumystar bastalyp, 8 myńnan asa aǵash otyrǵyzýǵa arnalǵan shuńqyr ázirlendi.
Sonymen qatar, qalada kez kelgen almatylyqqa aǵash otyrǵyzýǵa múmkindik beretin "Jasyl qala" naýqany jarıalandy.