Onyń osyǵan uqsas basqa da qylmystarǵa qatysy bar-joǵy tekserilýde.
Almatyda jas kelinshek kúzen ton "satyp", alaıaqtyqpen baıyǵan, dep habarlaıdy Almaty-akshamy.kz Polisia.kz-ke silteme jasap.
Naýryzbaı aýdandyq polısıa basqarmasynyń aqparatyna sáıkes, 22 jastaǵy D. esimdi jas kelinshekke qatysty QR QK-niń 190-baby 3-bóliminiń 4-tarmaǵy (Alaıaqtyq) boıynsha qylmystyq is qozǵaldy.
«Qylmystyq istiń mán-jaıy belgili bolǵandaı, jas kelinshek áleýmettik jelide teri ónimderinen jasalǵan buıymdardy satý úshin paraqsha ashyp, tutynýshylardan tondardy jetkizý úshin aldyn ala aqsha alǵan. Alaıda aqshany alǵannan keıin ol belgisiz baǵytta jasyrynǵan. Al tutynýshylar aqshasyz jáne tonsyz qaldy. Qazirgi ýaqytta tergeý osyǵan uqsas úsh qylmystyq epızodty dáleldedi», – dedi Naýryzbaı aýdandyq polısıa basqarmasynyń bastyǵy Dıdar Ahanov.
Polıseıler alaıaq kelinshektiń is-áreketinen zardap shekkenderdiń áli de kóp bolýy múmkin ekenine senimdi. Sondyqtan onyń osyǵan uqsas basqa da qylmystarǵa qatysy bar-joǵy tekserilýde.