Almatylyqtar nazaryna!
Aldaǵy eki táýlik boıy Almaty qalasynda qalyń qar jaýyp, aýa temperatýrasy túnde 18, kúndiz 15 gradýsqa deıin tómendep, aıaz bolady dep kútilýde. Sınoptıkterdiń boljamy boıynsha, odan keıingi kúnderi 25 gradýsqa deıingi qatty aıaz bolady, dep habarlaıdy Almaty-akshamy.kz.
Qalanyń komýnaldyq qyzmetteri kúsheıtilgen rejımde jumys jasaýda, óndiristik bazalarda táýlik boıy kezekshilik uıymdastyryldy.
«Kóktaıǵaqtyń paıda bolýyna baılanysty júrgizýshilerge jyldamdyqty azaıtyp, kólik arasyndaǵy arqashyqtyqty ulǵaıtýǵa keńes beremiz. Al jaıaý júrginshilerdiń trotýarlarmen júrgende abaı bolýlaryn suraımyz. Jumysqa keshigýdiń aldyn alý úshin úıińizden erterek ári jyly kıinip shyǵýǵa keńes beriledi.
Qurmetti qala turǵyndary! Jol júrgende abaı bolyp, ómirlerińizge qaýip tóndirmeńizder», - delingen Almaty qalasynyń Komýnaldyq ınfraqurylymdy damytý basqarmasynyń eskertý habarlamasynda.