Soǵan baılanysty qalalyq TJD turǵyndarǵa eskertý jasady.
Búgin Almatyda +36...+38°S qatty ystyq kútiledi, dep habarlaıdy Almaty-akshamy.kz Almaty TJD men «Qazgıdromet» RMK jasaǵan daýyldy eskertýge silteme jasap.
Almaty qalasynyń Tótenshe jaǵdaılar departamenti 21 shildedegi aptap ystyqqa (+36...+38°C) baılanysty qala turǵyndaryna eskertý jasady.
Vedomstvo «Ystyq aýa raıy, ásirese, júrek-qan tamyrlary aýrýlary, arterıalyq gıpertenzıamen aýyratyndar, sondaı-aq ınfarkt pen ınsýlt qaýpi bar adamdar úshin qaýipti» dep eskertti.
«Jaıaý júrýden bas tartyńyz, dene jattyǵýlary men aýyr jumys jasamańyz. Dárigerdiń usynymdaryn qatań saqtaý jáne taǵaıyndaǵan dári-dármekterdi ýaqytynda qabyldaý qajet. Arterıalyq gıpertenzıamen aýyratyn adamdar qan qysymyn únemi baqylaýy kerek», - delingen Almaty qalasy Tótenshe jaǵdaılar departamentiniń baspasóz qyzmeti taratqan aqparatta.