Urlanǵan mıllıondar men mıllıardtar: İİM izdeýde júrgen qylmyskerlerdi ustady
Almatyda krımınaldyq polısıa qyzmetkerleri asa iri mólsherde alaıaqtyq jasaǵany úshin halyqaralyq izdeýde júrgen er adamdy ustady, dep habarlaıdy aqshamnews.kz 24.kz-ke silteme jasap.
2023 jyldyń qarasha aıynda kásipkerlik qyzmettiń atyn jamylǵan qaskúnem jábirlenýshige tenderge qatyssa, jaqsy paıda tabatynyn ýáde etip, 76 mln teńgeden astam qarajat pen Lexus 570 avtokóligin ıemdenip alǵan. Mańǵystaý oblysynyń "Beıneý" temirjol stansıasynda kórshi memlekettiń azamaty ustaldy. Ótken jyly er adam Atyraýda toppen birge bazar qoımasynan 19 mln teńgege taýar urlap ketken.
Qaraǵandyda memleketaralyq izdeýde júrgen adam ustaldy. Qaskóı Shymkenttegi lombardtardyń biriniń fılıalynyń dırektory bola tura, óz sybaılastarymen birge JSHS-ǵa tıesili 1 mlrd teńge qarajatty ıemdenip, talan-tarajǵa salǵan.
Barlyq kúdikti ýaqytsha ustaý ızolátoryna qamaldy.