Almaty ákimi Darhan Satybaldy qalanyń kóshkin qaýpi bar ýchaskelerinde júrgizilip jatqan jumystar boıynsha keńes ótkizdi.
Seısmıkalyq qaýipsizdik jáne jumyldyrý daıyndyǵy basqarmasynyń basshysy Erik Jumabaı baıandama jasady. Basqarma basshysynyń málimetinshe, qala sheginde kóshkin qaýpi bar ýchaskeler anyqtalǵan. Tótenshe jaǵdaılardyń aldyn alý maqsatynda birqatar ýchaskede ınjenerlik jumystar bastalyp, tehnıkalyq sheshimder ázirlenip, turaqty monıtorıń júrgizilip jatyr.
Jumys komısıasynyń málimetinshe, 2024 jyly Almatyda 28 kóshkin qaýpi bar ýchaske anyqtalǵan. Onyń 14-de aýdan ákimdikteriniń qarjysy esebinen nyǵaıtý jumystary aıaqtaldy. Bes nysan boıynsha jerdi satyp alý rásimi júrgiziledi. Taǵy tórteýinde qala qurylysyn baqylaý basqarmasynyń talaby boıynsha menshik ıeleri betkeılerdi nyǵaıtý boıynsha jumystar júrgizip jatyr.
2025 jyly eń qaýipti 9 ýchaskedegi tótenshe jaǵdaılardy joıý jospary bekitildi. Olardyń árqaısysy boıynsha Geografıa jáne sý qaýipsizdigi ınstıtýtynyń saraptamalyq qorytyndysy alyndy.
Qaýipti nysandardyń qataryna «Medeý» muz aıdynynyń janyndaǵy betkeı, Medeý aýdanyndaǵy Shymbulaq pen Keńsaı-2-degi avtojol, Bostandyq aýdanyndaǵy Alma-Arasan joly; Naýryzbaı aýdanyndaǵy Ýsıkov kóshesi jáne «Aqjartaý» baý-baqsha qoǵamy, sondaı-aq. Jetisý aýdanyndaǵy Kemel shaǵynaýdanyndaǵy zırat janyndaǵy ózen arnasy, Qojamıarov kóshesi bar.
İs-sharalar keshenine tireý qabyrǵalaryn salý, trostyq-torly qurylymdardy montajdaý, sý burý arnalary men ózen arnalaryn nyǵaıtý kiredi. Keńeske TJD, Qazseldenqorǵaý, Geografıa ınstıtýty, aýdan ákimdikteri men tıisti basqarmalardyń ókilderi qatysty.
Qala ákimi jobalyq-smetalyq qujattamany ázirleýdi aıaqtaýdy, ásirese, turǵyn úıler men kólik ınfraqurylymyna irgeles ýchaskelerde sharalardy iske asyrýǵa kirisýdi tapsyrdy.
«Kóshkin qaýpi bar árbir ýchaske aýdan ákimderiniń jeke baqylaýynda bolýǵa tıis. Bul jaı ǵana abattandyrý máselesi emes, bul turǵyndardyń qaýipsizdik máselesi», – dedi Darhan Satybaldy.
Keńes qorytyndysy boıynsha monıtorıńti kúsheıtý, jobalyq rásimderdi jedeldetý jáne tótenshe qyzmetpen úılestirý jóninde tapsyrma berildi.