Kóshi-qon qyzmetiniń nazaryna Almaty-1 temirjol vokzalynda Tájikstan azamaty ilikti. Sodan keıin tekserý júrgizý barysynda zańbuzýshylyqtardy anyqtady, -dep habarlaıdy Almaty-akshamy.kz.
«Tájikstannan kelgen 25 jastaǵy Sh. esimdi azamat Qazaqstan Respýblıkasynda bolý erejesin buzǵan. Ol taksı júrgizýshisi bolyp jumys istegen, biraq bul derek ýaqytsha eńbek shartynda kórsetilmegen. Tártip buzýshyǵa qatysty QR ÁQBtK-niń 517-babynyń 5-bóligimen (Sheteldiktiń nemese azamattyǵy joq adamnyń Qazaqstan Respýblıkasynyń halyqtyń kóshi-qony salasyndaǵy zańnamasyn buzýy) hattama toltyryldy. Sheteldikti elden shyǵarý máselesin sheshý úshin materıal sotqa jiberildi. Sondaı-aq avtokólik ıesi QR ÁQBtK-niń 519-baby 1-bóligi (Sheteldik jumys kúshin jáne eńbekshi kóship kelýshilerdi Qazaqstan Respýblıkasynyń zańnamasyn buza otyryp tartý) boıynsha jaýapkershilikke tartyldy. Kólik quralyn basqarýǵa quqyǵy joq adamǵa kólikti aıdaýǵa bergeni úshin oǵan QR ÁQBtK-niń 612-baby 2-bóligi boıynsha ákimshilik hattama toltyryldy. Al kólik mamandandyrylǵan aıyppul turaǵyna qoıyldy», – dedi Almaty qalalyq PD kóshi-qon qyzmeti basqarmasynyń bastyǵy Asqat Býtýnchınov.
Polısıa 19-25 maýsym aralyǵynda zańsyz júrgen sheteldikterdi anyqtaý, sondaı-aq zańsyz kóshi-qon arnalarynyń jolyn kesý maqsatynda qala aýmaǵynda «Zańsyz kelýshi» jedel aldyn alý is-sharasy júrgizilgenin eske saldy.