Bıyl Almatyda uzyndyǵy 250 km bolatyn 274 kóshege ortasha jóndeý jumystary júrgiziledi. Osylaısha, jaqsy jáne qanaǵattanarlyq jaǵdaıdaǵy joldardyń úlesin 92%-ǵa deıin jetkizý josparlanǵan, dep habarlaıdy aqshamnews.kz
20 magıstraldi kóshede jol tóseminiń beriktigin arttyrý úshin polımerasfaltbeton qoldanylyp jatyr. Jóndeletin aýmaqtar 36 saǵatqa jabylady, bul ýaqytta qospa sýyp, tıisti talapqa saı qatýy kerek.
Qala ákimi Erbolat Dosaevtyń tapsyrmasymen magıstraldi kóshelerdiń jóndeý jumystary tamyz aıynyń sońyna deıin, al aýdandyq mańyzy bar kóshelerdiń jóndeýi qazan aıynyń sońyna deıin aıaqtalady.
Asfáltty qyryp, jańasyn tóseý jumystary túngi ýaqytta júrgizilýde, bul qala turǵyndary úshin qolaısyzdyqty azaıtý maqsatynda jasalyp jatyr.
Ortasha jóndeý aıasynda jol qaýipsizdigin arttyrý maqsatynda qosymsha qaýipsizdik araldary men jaıaý júrginshiler ótkelderi jasalyp, trotýarlar jóndelip, zaqymdalǵan aryq naýalary aýystyrylyp jatyr.
Aıta keteıik, kólik qozǵalysyn shekteý týraly barlyq aqparat Almaty.kz saıtynda, @AlmatyJoly Telegram-arnasynda, aýdan ákimdikteri men basqarmalardyń áleýmettik jelilerinde, sondaı-aq 2GIS jáne «Iandeks karta» servısinde kórsetilgen.