Búgin Almaty qalasynda QR Premer-Mınıstriniń orynbasary Eraly Toǵjanovtyń tóraǵalyǵymen QR aýmaǵynda koronavırýs ınfeksıasynyń taralýyna jol bermeý jónindegi Vedomstvoaralyq komısıanyń kóshpeli otyrysy ótti, dep habarlaıdy Almaty-akshamy.kz
Keńeske Almaty qalasynda ornalasqan qalalyq jáne respýblıkalyq medısınalyq uıymdardyń basshylary qatysty. Negizgi máseleler COVID-19-ben kúresýge jáne densaýlyq saqtaý júıesin damytýǵa qatysty boldy. QR Bas memlekettik sanıtarlyq dárigeri Erlan Qıasov aǵymdaǵy epıdemıologıalyq ahýal men jumystyń basym baǵyttary týraly túsinik berdi.
Almaty qalasy ákiminiń orynbasary Erjan Babaqumarov qazirgi kezde jumystyń basty baǵyty koronavırýs ınfeksıasynynyń taralýyn tejeý jónindegi is-sharalar bolyp qalatynyn baıandady. Búgingi tańda qalada KVI boıynsha epıdemıologıalyq ahýal turaqty, qala «sary aımaqta». Derttiń tómendeýi ujymdyq ımýnıtettiń 55%-y deńgeıinde qalyptasýyna, halyqty vaksınalaýmen qamtýdyń ósýine (birinshi komponentin 996 486 adam, 2 komponentin 930 myńnan astam adam aldy) baılanysty. Qazir qala ákimdigi vaksınalaý qarqynyn odan ári arttyrý úshin jumys isteýde.
Búginde medısınalyq uıymdarda, mektepterde, mádenıet, sport nysandarynda, bazarlarda jáne qalanyń SOO-da 137 egý pýnkti jumys isteıdi. Budan basqa, vaksınalý pýnktterinde vaksınanyń tıimdiligine áser etetin «sýyq» tizbek rejıminiń saqtalýy qatań baqylanady. Sonymen qatar, Pfizer vaksınasyn qabyldaýǵa daıyndyq júrgizilýde: muzdatqysh kameralardy ornatýǵa arnalǵan oryndar ázir, logıstıka, vaksınany saqtaý algorıtmderi pysyqtaldy, ár kezeńniń jaýapty tulǵalary anyqtaldy, medısınalyq personaldy oqytý júrgizilýde. Qalada ınfeksıanyń taralýyna jol bermeý boıynsha shekteý sharalaryn saqtaýdy baqylaý kúsheıtilgen ári jalǵasýda. Almatyda 40 monıtorıń toby jumys isteıdi, jyl basynan beri 44 myńnan astam nysan tekserildi, karantın sharalaryn buzǵan 4297 nysan anyqtaldy, karantındi jıi buzatyndarǵa qatysty sotqa 78 materıal berildi.
Qala mektepterinde qaýipsizdikti saqtaý jáne aýrýdy juqtyrýdyń aldyn alý erekshe baqylaýda. Tıisti kontıngentten muǵalimderdiń 100%-y ekpe aldy. «Ashyq» zamanaýı tehnologıasyn belsendi engize otyryp, «Salaýatty mektepter» baǵdarlamasy iske asyrylýda, sonyń arqasynda mektep oqýshylary arasynda aýrýdyń tómendegeni baıqalady. Degenmen, jyl sońyna deıin dertti juqtyrýdyń boljamyn eskere otyryp ári birqatar basqa elderde aýrýdy juqtyrý deńgeıiniń ósýi saldarynan 2022 jylǵy mamyrǵa deıin ónimniń 68 ataýynan turatyn dárilik preparattar men medısınalyq buıymdardyń qajetti qoryn qamtamasyz etý, tósek-oryndardy daıyndaý boıynsha ázirlik jumystary júrgizildi. 375 dárihanada, qala qoımalarynda suranysqa ıe preparattardyń ár túri boıynsha kúndelikti ótkizý kólemi men qaldyqtaryna monıtorıń júrgiziledi.
Baıandamalardy tyńdaǵan Eraly Toǵjanov qaladaǵy epıdemıologıalyq ahýaldyń turaqtanǵanyn – 24 qazannan bastap megapolıs «sary» aımaqta ekenin, sońǵy 2 aptada aýyrýdyń 1,5 esege, ólim-jitimniń 1,6 esege tómendegenin atap ótti. Premer-Mınıstrdiń orynbasary qala ákimdiginiń basshylyǵyna COVID-19 ben maýsymdyq tumaýǵa qarsy vaksınalaýdy ulǵaıtýdy tapsyrdy. JOO rektorlarynyń nazary stýdentterdi vaksınalaý jónindegi jumysty kúsheıtýge aýdaryldy, óıtkeni búginde megapolıstiń JOO-da stýdentterdi vaksınalaý 57% quraıdy. Bul másele qaýipsiz bilim berý prosesin qamtamasyz etý úshin mańyzdy. Keńes jumysyn qorytyndylaǵan vıse-premer E. Toǵjanov Almaty qalasy elimizdiń eń iri megapolısi ekenin, sondyqtan densaýlyq saqtaý júıesin damytý, epıdemıologıalyq ahýal, halyqty vaksınalaý máseleleri jergilikti atqarýshy organdardyń basshylarynyń qatań baqylaýynda bolýy tıis ekenin atap ótti.