Koronavırýstyń aldyn alý
AQSH-tyń Aýrýdy baqylaý jáne aldyn alý ortalyǵynyń dırektory Roshel Valenskıı 5-11 jas aralyǵyndaǵy balalardy koronavırýsqa qarsy egý úshin amerıkalyq Pfizer jáne nemistiń BioNTech kompanıalarynyń vaksınalaryn qoldanýdy usyndy, dep habarlaıdy Almaty-akshamy.kz
AQSH-tyń Aýrýlardy baqylaý jáne aldyn alý ortalyqtarynyń toby júrgizgen modeldeýge sáıkes, 5-11 jas aralyǵyndaǵy balalardy vaksınalaý koronavırýs ınfeksıasynyń taralýyn 2021 jyldyń qarashasynan 2022 jyldyń naýryzyna deıin 8% tómendetedi. Top múshesi Sara Olıverdiń aıtýynsha, vaksınasıa vırýstyń yqtımal jańa nusqasynyń áserin azaıtýǵa kómektesedi.
Buǵan deıin AQSH Densaýlyq saqtaý jáne áleýmettik qyzmet mınıstrliginiń janyndaǵy Azyq-túlik jáne dári-dármekter sapasy basqarmasy 5-11 jastaǵy oqýshylarǵa Pfizer jáne BioNTech kompanıalarynyń koronavırýsqa qarsy vaksınalaryn qoldanýdy maquldaǵan bolatyn.
Oqý jyly bastalǵaly beri AQSH-ta balalar arasynda koronavırýsqa shaldyqqandar sany tez artqany baıqaldy. Aýrýhanalarǵa koronavırýs juqtyryp túsken balalardyń sany maýsymnyń aıaǵynan tamyzdyń ortasyna deıin alty apta ishinde bes ese ósti delingen. 5-11 jas aralyǵyndaǵy balalar eresekterge arnalǵan dozanyń úshten bir bóligin quraıtyn vaksınalar alady dep habarlanǵan. Ekinshi doza birinshi dozany alǵan sátten bastap úsh aptadan keıin engiziledi.
Sondaı-aq ımýnıteti álsiz balalarǵa úshinshi doza salynbaıtyny atap ótildi. AQSH-tyń Aýrýlardy baqylaý jáne aldyn alý ortalyqtarynyń málimetteri boıynsha, eldegi 1,9 mıllıon balaǵa koronavırýs dıagnozy qoıylǵan.