Bul týraly aparattyq keńes barysynda Almaty qalasy ákiminiń orynbasary Erjan Babaqumarov málimdedi, dep habarlaıdy Almaty-akshamy.kz
Megapolıste "omıkron" shtamynyń tez taralýy kútiledi. Almatylyqtarda koronavırýstyń taralýyn báseńdetýge – vaksınalaýǵa jáne býsterlik ekpe alýǵa barlyq múmkindik bar. Atalǵan derekterge sáıkes, Almatydaǵy epıdemıologıalyq jaǵdaı nasharlaı túsýde. Erjan Babaqumarov habarlaǵandaı, qala "sary" aımaqta ornalasqan. Halyqtyń aptalyq aýrýshańdyǵy 2 esege artty. Boljam boıynsha, megapolıste indettiń taǵy bir tolqyny bastalyp, jalǵasýda.
Sonymen qatar, qala ákiminiń orynbasary jańa jyldyq merekeler men naqty oqıǵalarǵa baılanysty turǵyndar koronavırýsqa testileýden 8-10 ese az ótkenin atap ótti. Onyń paıymdaýynsha, testileý kólemi ulǵaıǵan kezde, oń synamalardy anyqtaý da artady, bul epıdemıologıalyq ahýaldyń nasharlaýyna jáne qalanyń matrısanyń "qyzyl" aımaǵyna kóshýine ákeledi.
Erjan Babaqumarov Almatyda koronavırýs derti ótken jyldyń jeltoqsan aıynyń sońynda óse bastaǵanyn eske saldy. Sol kezdiń ózinde epıdemıologtar muny "omıkron" shtamynyń taralýynyń bastalýymen baılanystyrdy.
Aparattyq keńes barysynda atap ótkendeı, 6 qańtarda tolyq genomdyq sekvenırleý nátıjeleri alyndy: QR Densaýlyq saqtaý mınıstrligine jiberilgen 96 úlginiń 8 synamasynan "omıkron" shtamy tabyldy, onyń ishinde 7 synama Almatydan jetkizildi.
Koronavırýstyń "delta" shtamy áli de belsendi aınalymda. Ol synamalardyń 71%-da, "delta-plús" - 16%-da, basqa shtamdarda – 4,7%-da anyqtaldy.
Almatyda "omıkron" shtamynyń aınalymyn 20 jastan 39 jasqa deıingi adamdar arasynda juqtyrǵandardyń úles salmaǵynyń 16,4%-ǵa (27,7%-dan 44,1%-ǵa deıin), sondaı-aq 15-19 jastaǵy jasóspirimder arasynda 1,1%-ǵa (4,2%-dan 5,3%-ǵa deıin) kúrt óskenin kórsetetin jas quramyna júrgizilgen taldaý rastaıdy. Qalǵan kontıngentter boıynsha tómendeý tirkelgen (60 jáne odan joǵary jastaǵy adamdar arasynda – 8,6%-ǵa, 40-tan 59 jasqa deıingi adamdar arasynda – 2,5%-ǵa, 14 jasqa deıingi balalar arasynda – 4,7%-ǵa jáne 1 jasqa deıingi balalar arasynda 0,3%-ǵa).
Sonymen qatar, sımptomsyz formalardyń ótken jyldyń jeltoqsan aıynda 6%-dan 16%-ǵa deıin ósýi baıqaldy, bul "omıkronǵa" da tán jáne naýqastardy ýaqtyly anyqtaý men oqshaýlaýdy qıyndatýy múmkin.
Erjan Babaqumarovtyń aıtýynsha, "omıkron" shtamy óte tez juǵady, sondaı-aq jas urpaq úshin qaýip-qater tóndiredi. Ol tek vaksınalaý koronavırýstan qorǵaýdyń eń senimdi ádisi bolyp qala beretinin eske saldy. Qala ákiminiń orynbasary almatylyqtardy "omıkronnyń" taralýyn tómendetýdi jáne vaksınalaýǵa kómektesýge shaqyrdy.
Babaqumarov qalada halyqty koronavırýsqa qarsy ımmýndaý jalǵasyp jatqanyn aıtty. Búgingi tańda birinshi komponentpen 1 077 896 adam, eki komponentpen 1 028 180 qala turǵyny egildi. Revaksınalaý 69 018 adamǵa júrgizildi.
Álemniń jetekshi ǵalymdary men sarapshylarynyń derekteri boıynsha, qoldanystaǵy vaksınalarmen revaksınalaý "omıkron" shtamymen juqtyrý kezinde asqynǵan jáne ólim jaǵdaılaryn emdeýge jatqyzýdan 70%-ǵa qorǵaıdy. Búgingi kúni Almatyda ujymdyq ımýnıtettiń deńgeıi áli de tómen, ımýndyq qabat bar bolǵany 59,4%-dy quraıdy (vaksınalanǵandar - 49,4%, aýyryp jazylǵan adamdar – 10%).