Almaty ákimi Baqytjan Saǵyntaevtyń tóraǵalyǵymen koronavırýs ınfeksıasynyń taralýyna qarsy is-qımyl jónindegi jedel shtabtyń otyrysy ótti, dep habarlaıdy almaty-akshamy.kz
Qabyldanǵan júıeli sharalardyń jáne halyqty vaksınalaýdyń arqasynda derttiń aptalyq kórsetkishi 100 myń turǵynǵa shaqqanda 169-dan 134,6-ǵa deıin tómendedi. Jyl basynan 10 qazanǵa deıingi kezeńde 154,7 myń KVI jaǵdaıy, sońǵy táýlikte – 326 oqıǵasy tirkeldi. Onyń ústine ótken aptada juqtyrý ındeksi 0,94-ten 0,89-ǵa deıin tómendedi.
Qalanyń sanıtarlyq-epıdemıologıalyq baqylaý departamentiniń derekteri boıynsha, Almaty halqynyń ımýndyq qabaty shamamen 53%-dy qurady.
Demek, halyqtyń resmı sanynyń 45%-y jyl basynan beri aýyrǵandardyń +7,7%-y eki komponentpen egildi. Bul rette qoldanylatyn vaksınalardyń tıimdiligi baıqalady. Aǵymdaǵy jyldyń 10 qazanyna KVI eki komponentimen egilgenderdiń ishinen tolyq vaksınalaý kýrsynan ótken 892 482 adamnyń 2 717-si aýyrdy, ıaǵnı barlyǵy 0,3%.
Aýyrǵandardyń jas quramyn salystyrmaly taldaý kezinde sońǵy 2 aptada 20-39 jas aralyǵyndaǵy neǵurlym belsendi azamattar arasynda syrqattanýshylyqtyń 1,6%-ǵa, 40-59 jas aralyǵynda – 1,3%-ǵa, 60 jastan joǵary - 0,7%-ǵa ósýi baıqalady. Bul rette 14 jasqa deıingi balalar men jasóspirimderdiń syrqattanýy tıisinshe 0,9%-ǵa jáne 0,6%-ǵa tómendedi.
Sońǵy 7 kúnde aýrýshańdyq ózin-ózi jumyspen qamtyǵan jáne jumys istemeıtin azamattar esebinen qalyptasty – 27%, zeınetkerler – 24% (1%-ǵa ósti), kásiporyndar men uıymdar qyzmetkerleri – 22% (1%-ǵa ósti), oqýshylar - 12,3% (3%-ǵa tómendedi) jáne mektep jasyna deıingi balalar – 4,3% (0,9%-ǵa tómendedi).
Osylaısha, mamandar mektep jasyna deıingi balalardyń uıymdasqan toptary arasynda aýrý uıymdastyrylmaǵandarǵa qaraǵanda 4,4 ese tómen ekenin aıtady. Offlaın oqýdaǵy oqýshylardyń naýqastanýy onlaın oqýǵa qaraǵanda 10 ese tómen.
Juqtyrýdyń naqtyly anyqtalǵan oryndary boıynsha aldyńǵymen salystyrǵanda sońǵy aptada týystarmen, kórshilermen jáne tanystarmen baılanys kezinde tıisinshe 0,4% jáne 0,7%-ǵa tómendeýi jalǵasýda.
Juqtyrýdyń yqtımal oryndary boıynsha bazarlarda – 2,8%-ǵa, azyq-túlik saýda jelilerinde, sýper-gıpermarketterde – 0,7%-ǵa, oramishilik azyq-túlik emes dúkenderde – 0,6%-ǵa, qoǵamdyq kólikte – 1,8%-ǵa, otbasylyq is-sharalardy ótkizý kezinde – 0,4%-ǵa ósý baıqalady.
Ótken aptanyń qorytyndysy boıynsha, basty juqtyrý oryndary saýda obektileri – 34%, qoǵamdyq kólik – 20%, otbasylardaǵy baılanystar – 16%, bazarlar – 13% bolyp tabylady.
Monıtorıńtik toptar 4-10 qazan aralyǵynda 195 reıd júrgizdi, 24 obektide karantındik shekteýlerdiń buzylǵany anyqtaldy. 106 hattama toltyryldy, onyń ishinde zańdy tulǵalarǵa 7 mln teńgeden astam somaǵa 21 hattama jasaldy. Betperde rejımin buzǵany úshin jeke tulǵalarǵa qatysty 3,7 mln teńgege 85 hattama jasaldy.
Ashyq jobasy boıynsha aǵymdaǵy jyldyń 29 qyrkúıegi men 5 qazany aralyǵynda jobaǵa qatysatyn obektilerdegi 171 kelýshide "qyzyl", 37 kelýshide "sary" mártebesi rastaldy. 4-8 qazan aralyǵynda "qyzyl" mártebesi bar 114 jeke tulǵaǵa ózin-ózi oqshaýlaý rejımin buzǵany úshin 30 AEK aıyppul salyndy.
Jedel shtab otyrysyn qorytyndylaǵan B. Saǵyntaev vaksınalaý boıynsha túsindirý jumystaryn kúsheıtýdi, bilim berý nysandaryndaǵy epıdemıologıalyq ahýalǵa monıtorıńti jalǵastyrýdy, shekteý sharalarynyń saqtalýyn baqylaýdy jalǵastyrýdy tapsyrdy. Sonymen qatar, densaýlyq saqtaý basqarmasyna tumaý men vaksınasıa kúntizbesine kiretin aýrýlarǵa qarsy vaksınalaýdy jalǵastyrý tapsyryldy.
Habarlanǵandaı, 10 qazanda koronavırýs ınfeksıasynyń 326 jaǵdaıy tirkeldi, onyń 315-i sımptomdy. Infeksıalyq stasıonarlarda 1 565 adam, onyń ishinde 61 bala jatyr. Reanımasıa jáne qarqyndy terapıa bólimshelerinde 150 pasıent jatyr. ÓJJ apparatynda – 29, ınvazıvti emes ÓJJ – 79, High flow – 28 apparaty qoldanysta.
Búginde úıde MSAK mobıldi brıgadalarynyń jáne telemedısına ortalyǵynyń qadaǵalaýynda 3 297 pasıent bar, sımptomdy naýqastar – 3 167.
Ótken táýlikte 814 adam birinshi komponentpen, 941 adam ekinshi komponentpen egildi.
Aǵymdaǵy jyldyń 1 aqpanynan 10 qazanyna deıin İ komponentpen 968 197 adam, II komponentpen 885 360 adam egildi.