Almaty qalasy ákimdiginiń Tilderdi damytý jáne onomastıka bólimi «Kórkemsóz oqý sheberleri» qalalyq baıqaýyn ótkizdi, dep habarlaıdy aqshamnews.kz
Baıqaýdyń maqsaty – kópshilikke kórkem ádebıetti, qazaq qalamgerleriniń shyǵarmashylyq murasyn nasıhattaý. Sondaı-aq jastar arasynda kitap oqý mádenıetin damytý, qazaqtyń ulttyq mádenıeti men ónerine, ádebıeti men tiline degen yqylasyn arttyrý.
Kórermender men qurmetti qonaq retinde memlekettik mekemelerdiń resmı ókilderi, zıaly qaýym, ǵalymdar men aqyn-jazýshylar, óner qaıratkerleri, qoǵamdyq uıymdardyń jetekshileri, BAQ ókilderi, ádebıet súıer qaýym, stýdentter men oqýshylar shaqyryldy.
Baıqaýǵa Almaty qalasynyń ár aýdanynan 15-30 jas aralyǵyndaǵy 2 talapker qatysty.
Baıqaý úsh kezeńnen turdy: prozalyq shyǵarmadan úzindi oqý, dramalyq shyǵarmadan úzindi oqý jáne poezıalyq shyǵarmany (óleń) oqý. Qazylar alqasynyń quramynda belgili ádebıetshi ǵalymdar, aqyn-jazýshylar, óner qaıratkerleri jáne qoǵamdyq uıymdardyń ókilderi boldy.
Baıqaý nátıjesinde M. Bazarbaev atyndaǵy №138 gımnazıasynyń muǵalimi Qýandyq Zákenov bas júldeni ıelense, Ál-Farabı atyndaǵy №145 mektep-gımnazıasynyń muǵalimi Nurtýǵan Májıt 1-oryndy, №13 mektep-gımnazıasynyń muǵalimi Ramazan Dosanov 2-oryndy, №206 mektep-gımnazıasynyń oqýshysy Farıza Ońǵarbaı 3-oryndy jeńip aldy. Sondaı-aq, №172 mektep-gımnazıasynyń 10-synyp oqýshysy Jibek Beısen «Kórermen kózaıymy», Qazaq ulttyq qyzdar pedagogıkalyq ýnıversıtetiniń 3-kýrs stýdenti Juldyz Serikbaı «Sulý sózdiń súleıi» nomınasıalarymen marapattaldy. Al №148 mektep-gımnazıasynyń oqýshysy Alýa Amanbaı men Qazaq ulttyq qyzdar pedagogıkalyq ýnıversıtetiniń 1-kýrs stýdenti Jaqsygúl Orynbaı yntalandyrý syılyqtaryna ıe boldy.