Bul týraly qalalyq mobıldilik basqarmasy habarlady.
Qyzmet kórsetý sapasyn arttyrý maqsatynda aqyly avtoturaq qyzmetin uıymdastyrýǵa qatysty almatylyqtardyń kóptegen shaǵymdary saraptalyp jatyr, dep habarlaıdy Almaty-akshamy.kz
«Azamattar kóbine avtoturaqtardyń tehnıkalyq jaǵdaıyna, tańbalaý men arnaıy sáıkestendirý belgileriniń joqtyǵyna, tólem jasaý kezindegi qatelikterge, turaq oryndarynyń jetkiliksizdigine jáne t.b. shaǵymdanýda. Turǵyndardyń ótinishteri jan-jaqty saraptalyp, qarastyrylǵan. Aldaǵy ýaqytta avtoturaqtardyń jumysyn jaqsartý boıynsha sharalar qabyldanatyn bolady», – dep habarlady basqarmada.
Vedomstvonyń málimetinshe, aldaǵy ýaqytta halyqaralyq tájirıbeni eskere otyryp, aqyly avtoturaqtardan túsetin qarajatty kósheler men aýlalardy abattandyrýǵa paıdalaný arqyly qalalyq avtoturaqtardy damytý tujyrymdamasyn ázirleý josparlanýda.
«Sonymen qatar qordalanyp qalǵan máselelerdi sheshý úshin qalada kópqabatty avtoturaqtar salý basymdyqqa ıe bolady», – dep habarlady basqarma.
Eske sala ketsek, «Almaty Spestehparkıng Servıs» JSHS-niń 70% úlesin jáne «Alan parkıng» JSHS-niń 100% úlesin qala menshigine qaıtarý týraly usynystar engizilgen. Qos kompanıa shahardaǵy kólik turaqtarynyń basym bóligin basqaryp kelgen.