Óńirlik komýnıkasıalar qyzmetiniń alańynda zańsyz ónimderge arnalǵan brıfıń ótti.
Almaty qalasy Ádilet departamentiniń baspasóz hatshysy Almas Bekbotaev olardyń tájirıbesinde 2019 jyly belgili brendtiń atyn jamylyp, zańsyz jolmen shyǵarylǵan shulyqtardyń iri partıasy tárkilengen jaǵdaı kezdeskenin aıtty. Shulyqtardy balalar úıiniń tárbıelenýshilerine dep ótkizbek bolǵan, biraq saraptamadan keıin ondaı is-áreketke barmaǵan.
Sebebi, jalǵan ónim tek zańsyz ǵana emes, zıandy bolyp shyqqan, dep habarlaıdy Almaty-akshamy.kz
«Shulyqtar tárkilengennen keıin is sotqa jiberildi. Biz sotqa ónimdi balalar úıine nemese áleýmettik mekemelerge berýdi usynýdy jón kórdik. Saraptamaǵa sáıkes, kontrafaktilik ónimderdiń adam terisine qaýipti hımıalyq qasıetteri bar ekeni anyqtaldy. Sot sheshimimen ónimder joıyldy», - dedi A.Bekbotaev.
Mamandar kez kelgen ónimdi satyp almas buryn onyń sertıfıkatyn suraý kerektigin Almaty turǵyndarynyń esine saldy.
Almaty qalalyq Ádilet departamentiniń zıatkerlik menshik quqyǵy bóliminiń basshysy Erkebulan Jetpisbaev jalǵan ónimderdiń ishinde Samsung brendiniń saýda belgisi qoldanylǵan ónimder anyqtalǵanyn aıtty. Sonymen qatar, tekserýler barysynda alkogól ónimine «Moskovskaıa» saýda belgisin paıdalaný kezinde zań buzýshylyqtar anyqtaldy. Sol kezde 1000-nan astam zat tárkilengen.
«Sot sheshimimen keıin bul kontrafaktilik alkogóldi ónimderdiń barlyǵy joıyldy», - dep habarlady E.Jetpisbaev.