Almaty qalasynyń Medeý aýdanyndaǵy komúnıtı-ortalyqta Konstıtýsıa kúnine arnalǵan kórme ótti, dep habarlaıdy aqshamnews.kz.
İs-sharaǵa qala jastary, «Asosıasıa Jastary» qozǵalysynyń belsendileri jáne qarapaıym qala turǵyndary qatysty. Ortalyqtyń holynda Qazaqstan Konstıtýsıasynyń damýy men qalyptasý kezeńderin kórsetetin fotokórme uıymdastyryldy.
Qonaqtarǵa negizgi zańnyń qurylýy týraly derekti fılm kórsetildi, sodan keıin qatysýshylardan saýalnama alynyp, shara vıktorınamen aıaqtaldy. Vıktorına jeńimpazdaryna syılyqtar tabystaldy.
Bul is-shara Medeý aýdanynda uıymdastyrylǵan onkúndiktiń qorytyndysy boldy. Onkúndik aıasynda chellendjder, Konstıtýsıa týraly bilimderin tekserý úshin turǵyndar arasynda saýalnamalar, vıktorınalar jáne Ortalyq mádenıet jáne demalys saıabaǵynda merekelik konsert ótkizildi. Komúnıtı-ortalyqtyń basshysy Rýstam Qaıryevtyń aıtýynsha, is-sharanyń maqsaty — jastardyń Konstıtýsıada bekitilgen quqyqtary men mindetteri týraly bilimin arttyrý.