Almaty qalasy, Almaty jáne Jetisý oblystary boıynsha QAJD №12 mekemesine áıel adam sottalǵanǵa aqsha ótkizýge tyrysty
Almaty qalasy, Almaty jáne Jetisý oblystary boıynsha QAJ Departamentiniń № 12 qaýipsizdigi barynsha joǵary mekemesinde tyıym salynǵan zattardy alyp ótý faktisiniń aldyn aldy, dep habarlaıdy Almaty-akshamy.kz Polisia.kz-ke silteme jasap.
Sottalǵan aǵasyna uzaq kezdesýge kelgen áıel adam, sómkesiniń ishine aqsha tigip alǵan. Mekeme qyzmetkerleriniń qyraǵylyǵynyń nátıjesinde tekserý kabınetinen 5000 jáne 10 000 teńge nomınalyndaǵy aqsha tabylyp, tárkilendi.
Eskertýlerge qaramastan, sottalǵandardyń týystary men jaqyn adamdary talaptardy oryndamaı, mekemedegi sottalǵandarǵa tyıym salynǵan zattardy ótkizý áreketterin jalǵastyryp jatyr, – dep atap ótti mekeme bastyǵy Ermek Kúzdeýbaı.