Qolaıly aýa-raıynyń bastalýymen jyldam jáne qatty kólik júrgizýdi unatatyndar belsendi bola bastady
Qazaqstan Respýblıkasynyń jol júrý Erejelerin saqtaý jáne buzýshylyqtardyń aldyn alý maqsatynda shahar aýmaǵynda patrúldik polısıa Polkiniń jáne mamandandyrylǵan batalónynyń qyzmetkerleri aýqymdy jáne jergilikti is-sharalardy júrgizýde. 18-24 mamyr aralyǵynda qala joldarynda 1 myń 195 quqyq buzýshylyq anyqtaldy, dep habarlaıdy Almaty-akshamy.kz Almaty qalalyq Polısıa departamentiniń baspasóz qyzmetine silteme jasap.
«QR JJE udaıy buzýshylardy anyqtaý boıynsha patrúldik polısıa qyzmetkerleriniń jumysy kúsheıtildi: qarsy jatqan jolaqqa shyǵyp ketken – 5 júrgizýshi, jalǵan memlekettik tirkeý nómirlik belgisi bar kólik quralyn basqarǵan – 10 júrgizýshi, MTNB joq kólik quralyn basqarǵan - 42 júrgizýshi, áınegi qarańǵylanǵan kólik quralyn basqarǵan - 118 júrgizýshi, júrgizýshi kýáliginen aıyryla tura KQ basqarǵan - 1 ereje buzýshy, kólik quralyn mas kúıinde basqarǵan - 20 jáne t.b. Tek ótken táýlikte ǵana jyldamdyqty jaqsy kóretin 13 júrgizýshi ákimshilik jaýapkershilikke tartyldy. Sonymen qosa, olar azamattardyń túngi tynyshtyǵyn da buzady», - dedi, Almaty qalalyq PD Jergilikti polısıa qyzmeti Basqarmasy bastyǵynyń orynbasary, polısıa podpolkovnıgi Erjan Uzabaev.
Osyǵan baılanysty, shahar polıseıleri jol qozǵalysyna qatysýshylardy JQE qatań saqtaýǵa shaqyryp, «jazanyń bultartpastyǵy» qaǵıdasyn eske saldy.
«Qolaıly aýa-raıynyń bastalýymen jyldam jáne qatty kólik júrgizýdi unatatyndar belsendi bola bastady, bul, eń kem degende, birqatar Jol júrý Erejelerin buzýmen qatar júredi, al maksımým, árkezde azamattardyń tynyshtyǵyn buzady jáne olarǵa ásirese túngi ýaqytta yńǵaısyz jaǵdaılar týyndatady. Jastar qaýip tóndirip, qala kóshelerimen jarys uıymdastyrady. Sonymen qatar, olar kólikterin qaıta jasap, tyıym salynǵan jabdyqtardy, onyń ishinde qatty dybys shyǵaratyn rezonatorlardy, ásirese túnde ornatady. Bul qala turǵyndarynyń ádiletti shaǵymdaryn týǵyzady. Osyndaı derekterdiń jolyn kesý maqsatynda polısıanyń aldyńǵy sheptegi bólimsheleri apta saıyn reıdter júrgizedi. Biz jarys júrgizýshileri jınalatyn oryndarǵa kóptegen jasaqtardy jınaımyz jáne kez kelgen zańsyz áreketterdi toqtatamyz. Bul jumys odan ári jalǵasatyn bolady. Bul sharalar joldardaǵy qaýipsizdik deńgeıin arttyrýǵa baǵyttalǵan», - dedi, podpolkovnık Uzabaev.