Aıyptalýshylar qamaýǵa alyndy.
Almaty polısıasy kólik urylaryn ustady, dep habarlaıdy Almaty-akshamy.kz Polisia.kz-ke silteme jasap.
Qazirgi ýaqytta jedel ýákilder Túrkistan oblysynyń 32 jastaǵy týmasy men onyń sybaılasy 40 jastaǵy azamattyń esebinde kólik urlaýdyń tórt deregi bar ekendigin anyqtady.
«Kólik urlaǵandardy áshkereleý jáne ustaý is-sharasyn bizdiń bólimshe qyzmetkerleri Medeý aýdandyq PB-na qarasty polısıa bólimindegi áriptesterimen birlesip júrgizdi. Qalanyń Medeý aýdanynda qaskóıler tórt kólikti urlap ketkendigi anyqtaldy. Qazirdiń ózinde úsh kólik tabylyp, zattaı aıǵaq retinde qylmystyq is materıaldaryna tirkeldi. Tórtinshi kólik Toyota Vista áli tabylǵan joq. Ustalǵandardyń biri urlanǵan kóliktegi akýmýlátordy metal qabyldaý ornyna tapsyryp jatqan vıdeony tárkiledik», – deıdi Almaty qalalyq PD Krımınaldyq polısıa basqarmasynyń bastyǵy Qýatbek Naýatov.
Qazir polıseıler ustalǵandardyń qalada jasalǵan osyǵan uqsas qylmystarǵa qatysy bar-joǵyn tekserip jatyr.