Almatylyq azamattyń jol talǵamaıtyn kóligin urlap ketken kúdiktiler qolǵa tústi.
Úsh er adam qymbat kólik urlady degen kúdikpen ustaldy, dep habarlaıdy Almaty-akshamy.kz
Polisia.kz dereginshe, Toyota Land Cruiser kóligin urlaý deregi tańerteń tirkelgen.
«Qaladaǵy beınebaqylaý júıeleriniń kómegimen kóliktiń batys baǵytta qaladan shyǵyp, Jambyl oblysyna jetkeni belgili boldy. Kúdiktilerdi ustaý is-sharasyn polısıanyń arnaıy jasaqtarynyń kómegimen bizdiń bólimsheniń jedel qyzmetkerleri júrgizdi. 27 jáne 24 jastaǵy kúdiktiler ýaqytsha ustaý ızolátoryna qamaldy. Urlanǵan kólik tárkilenip, QR QK-niń 188-baby 4-bóligimen tirkelgen qylmystyq is materıaldaryna tirkeldi», – dedi Medeý aýdandyq polısıa basqarmasynyń bastyǵy İlıas Ómirserikov.
Qazir polıseıler ustalǵandardyń osyǵan uqsas basqa da qylmystarǵa qatysy bar-joǵyn tekserip jatyr. QR QPK-niń 201-babyna sáıkes ózge aqparattar tergeý múddesine oraı jarıalaýǵa jatpaıtynyn habarlady. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep tanylady.