Urlyqshy Reseı Federasıasynyń azamaty bolyp shyqty
Almatyda kólik aınasyn urlaǵan er adam ustaldy, dep habarlaıdy Almaty-akshamy.kz Polisia.kz-ke silteme jasap.
Alǵashqy aryz polısıaǵa 15 qańtarda kelip tústi. Belgisiz bireý qala turǵynynyń Mercedes kóliginen búıir aınalaryn urlap ketken. Birneshe kúnnen keıin taǵy úsh birdeı sıgnal keldi.
«Jedel-izdestirý sharalary barysynda urlyq jasaǵan kúdikti ustaldy. Ol 30 jastaǵy Reseı Federasıasynyń azamaty bolyp shyqty. Negizinen ol Mercedes kólikteriniń búıir aınalaryn urlaǵan. Shamasy, olardy satýdy josparlaǵan. Qazirgi ýaqytta onyń 3 urlyq jasaǵany dáleldendi. Basqa da qylmystarǵa qatysy bar-joǵyn anyqtaý jalǵasýda», – dedi Bostandyq aýdandyq Polısıa basqarmasynyń bastyǵy Dýman Aýhadıev.
Ustalǵan azamattyń turǵylyqty jerinen polısıa qyzmetkerleri búıir aınalardyń birneshe jıyntyǵyn tárkiledi. Anyqtalǵan derekter boıynsha sotqa deıingi tergeý amaldary júrgizilýde.