Qala turǵyndary men qonaqtary úshin saqtyq sharalaryn saqtaýdy suraımyz
Kúnniń sýytýyna baılanysty Almatynyń komýnaldyq qyzmeti kúsheıtilgen jumys rejımine kóshti, dep habarlaıdy aqshamnews.kz Almaty qalasy Komýnaldyq ınfraqurylymdy damytý basqarmasyna silteme jasap.
Almatyda kóktaıǵaqqa qarsy sharalarǵa 800-den astam tehnıka men 1400 jumysshy jumyldyryldy.
14 qazannan bastap Almatyda jaýyn-shashyn bastaldy, keı kezderi jańbyr jaýyp tur. «Qazgıdromet» RMK boljaýyna sáıkes, 17 qazan kúni qar jaýýy múmkin. Aýa temperatýrasynyń tómendeýi kóktaıǵaqtyń paıda bolýyna ákelýi yqtımal. Kóktaıǵaq qaýpine baılanysty, ásirese ál-Farabı dańǵylynan joǵary aımaqtarda kólik ıelerine jazǵy dóńgelekterin qysqyǵa aýystyrǵany jón.
Komýnaldyq qyzmetter kóktaıǵaqqa qarsy jumystardy jedel túrde júrgizýge daıyn. Bul jumysqa 10 merdiger uıym, 841 tehnıka jáne 1405 jumysshy tartyldy. Kóktaıǵaqqa qarsy 76 tonna materıal daıyndaldy.
Jolda kóktaıǵaq bolýy múmkin, sondyqtan júrgizýshiler jyldamdyqty azaıtyp, kólik araqashyqtyǵyn saqtap, shuǵyl burylýdan aýlaq bolýy kerek, sebebi apat qaýpi artady. Jaıaý júrginshiler de trotýarlarda juqa muzdyń paıda bolý qaýpine baılanysty saq bolýy qajet.