Kólik ıelerine jazǵy shınalardy qysqy shınalarǵa aýystyrý usynylady
»Qazgıdromet» RMK boljamy boıynsha, 31 qazannan 1 qarashaǵa qaraǵan túni Almaty qalasynda jaýyn-shashyn silbi qarǵa aýysady dep kútilýde. Túnde aýa temperatýrasynyń tómendeýi -3 gradýsqa deıin bolady, kóktaıǵaq boljanady.
Osyǵan baılanysty kólik ıelerine jazǵy shınalardy qysqy shınalarǵa aýystyrý usynylady.
Komýnaldyq qyzmetterdiń kóktaıǵaqqa qarsy jumystardy jedel jáne sapaly júrgizýin qamtamasyz etý maqsatynda avtokólik ıelerinen múmkindiginshe qala boıynsha qozǵalysty shekteýdi suraımyz.
Joldardyń júris bóliginde muz qabaty paıda bolýy múmkin, sondyqtan júrgizýshiler qozǵalys jyldamdyǵyn tómendetip, avtomobılder arasyndaǵy qashyqtyqty saqtap, apattar qaýpiniń joǵarylaýyn eskere otyryp, kenetten manevr jasaýdan aýlaq bolý kerek. Jaıaý júrginshiler de muz qabyǵynyń paıda bolýyna baılanysty trotýarlarda júrgende abaı bolý kerek.
Komýnaldyq damý basqarmasy kóktaıǵaqqa qarsy jumystardy júzege asyrý úshin
Almaty qalasynyń ınfraqurylymyna 10 merdiger uıym, 818 birlik tehnıka jáne 1 240 jol jumysshysy tartyldy. 76 tonna kóktaıǵaqqa qarsy materıaldar daıyndaldy.
Aǵymdaǵy jyly tehnıkany jańartý jáne eńbekti mehanıkalandyrý maqsatynda 101 birlik tehnıka satyp alyndy. Barlyq tehnıka ámbebap bolyp tabylady jáne qysta da, jazda da qoldanylady.