Almatydaǵy aýa-raıynyń qolaısyzdyǵy: komýnaldyq qyzmetter kóktaıǵaqqa daıyndalýda
«Qazgıdromet» RMK derekteri boıynsha, 16 aqpannyń tańynan bastap 17 aqpannyń túnine deıin Almaty qalasynda jaýyn-shashyn bolady, jaýyn-shashynnyń arty qalyń qarǵa ulasyp, aýa temperatýrasy keshke qaraı mınýs 20 gradýsqa deıin tómendeıdi, dep habarlaıdy almaty-akshamy.kz Almaty qalasy komýnaldyq ınfraqurylymdy damytý basqarmasyna silteme jasap.
17 aqpanǵa qaraǵan túni mınýs 22 gradýsqa deıin, kúndiz 17 aqpanda mınýs 14-ke deıin. Al, 16 aqpanda tańerteń tuman, joldarda kóktaıǵaq bolady dep boljanýda. Túngi kezeńde kóktaıǵaq qubylystarynyń aldyn alý maqsatynda dıslokasıa oryndarynda 176 qum taratqyshtyń kezekshiligi josparlanǵan. Qar tazalaý jumystaryna barlyǵy 483 birlik arnaıy tehnıka men 1180 jol jumysshysy jumyldyrylady.
Boljamdy kóktaıǵaqqa, joldardyń júris bóligin qardyń basýyna, trotýarlardaǵy kóktaıǵaqqa baılanysty avtokólik júrgizýshileri men jaıaý júrginshilerden qaýipsizdik sharalaryn saqtaýdy suraımyz. Júrgizýshilerge jyldamdyqty tómendetýge, avtomobılder arasyndaǵy qashyqtyqty arttyrýǵa, qatarlardy saqtaýǵa jáne kenetten manevrlerden aýlaq bolýǵa keńes beremiz.
16 aqpanda qardy tazalaý jáne 17 aqpanda túngi kezeńde qardy jappaı syrtqa shyǵarý boıynsha arnaıy tehnıka kolonnalarynyń júrýine baılanysty avtokólikti jol jıekterine qoımaýdy suraımyz.