Almatynyń Qala qurylysyn baqylaý basqarmasy Rozybakıev kóshesi, 63 mekenjaıynda ornalasqan iri tehnıkalyq qyzmet kórsetý ortalyǵyn buzý týraly habarlady.
Buǵan deıin jospardan tys tekserý barysynda basqarma «AQJOL» JSHS ıesine qatysty ákimshilik sharalar qabyldap, anyqtalǵan buzýshylyqtardy joıý týraly nusqama bergen bolatyn.
Alaıda nusqama talaptary oryndalmaǵandyqtan, osy jyldyń 13 qyrkúıeginde basqarma Almaty qalasy mamandandyrylǵan aýdanaralyq ekonomıkalyq sotyna nysandy buzý týraly talap-aryz jiberdi.
Sot prosesi aıaqtalmasa da, nysannyń ıesi nysandy óz erkimen buza bastady.
Esterińizge sala keteıik, Almaty qalasynyń ákimi Erbolat Dosaevtyń qurylys baqylaýyn kúsheıtý tapsyrmasy aıasynda ótken jyldan beri qalada 49 zańsyz nysan, onyń ishinde «Mechta», KHAN, «Alma Garden» turǵyn úı keshenderi jáne basqa da qurylystar tolyq nemese jartylaı buzyldy.