Almatynyń Qala qurylysyn baqylaý basqarmasynyń málimetinshe, Qaırat shaǵyn aýdany, Dáýletkereı kóshesi, 61-úı mekenjaıynda iri kúrdeli qurylym buzyldy. Menshik ıesi nysandy ruqsatsyz salǵan, dep habarlaıdy Almaty-akshamy.kz.
Jospardan tys tekserý nátıjeleri boıynsha basqarma menshik ıesine qatysty qurylys-montaj jumystaryn toqtata turýǵa jáne ýchaskeni bastapqy kúıine keltirýge nusqama bere otyryp, 1-baptyń 316-baby boıynsha ákimshilik sharalar qabyldady. Óz kezeginde menshik ıesi nusqamany oryndamady, osyǵan baılanysty is sotqa jiberildi.
2024 jylǵy 27 naýryzda Túrksib aýdandyq sotynyń sheshimimen basqarmanyń talaby qanaǵattandyryldy.
Sot sheshimin oryndaý úshin menshik ıesi nysandy óz erkimen buzdy.
Almaty ákimi Erbolat Dosaevtyń tapsyrmasy aıasynda talap qoıý qyzmetiniń nátıjeleri boıynsha ótken jyldan bastap qala boıynsha 35 zańsyz nysan tolyqn nemese jartylaı buzyldy, onyń ishinde bıznes ortalyqtar, meıramhanalar, qosalqy ǵımarattar men avtoservıster, sondaı-aq «Mechta» jáne KHAN sıaqty iri turǵyn úı keshenderi bar.