Almatyda qala ǵımarattaryna jazylǵan esirtki jarnamalaryn joıýǵa baǵyttalǵan kezekti «Narkostop» aksıasy ótti. Shara Almaty qalasy Jastar saıasaty basqarmasy men Almaty qalasynyń Polısıa departamentiniń Esirtki qylmysyna qarsy is-qımyl basqarmasynyń qoldaýymen ótti, dep habarlaıdy aqshamnews.kz
Aksıaǵa 500-ge jýyq volonterler, stýdentter jáne komúnıtı ortalyqtardyń rezıdentteri qatysty. Olar Almaty qalasynyń Polısıa departamentiniń qyzmetkerlerimen esirtki jarnamalarynyń oryndaryn anyqtap, olardyń zańsyz jazbalaryn óshirdi. Reıd barysynda 1 kúnniń ishinde ǵımarattardyń syrtqy qabyrǵasyna jazylǵan 100-den asa jarnama anyqtalyp, joıyldy.
Atalǵan is-sharanyń maqsaty – jastarǵa esirtkiniń zıandylyǵyn túsindire otyryp, salaýatty ómirdi tańdaýǵa shaqyrý.
Búgin Almaty qalasynyń volonterleri bolyp jastar úshin mańyzdy «Narkostop» aksıasyna qatysýǵa keldik. Almaty – bizdiń ortaq úıimiz, sondyqtan shara aıasynda zańsyz jarnamalardy óshirip, olardyń ár qaraı taralmaýyna kishkene bolsa da óz úlesimizdi qosyp jatyrmyz», - dedi volonter Amanǵazy Nurasyl.
Aıta keteıik, aǵymdaǵy jyly «Narkostop» jobasyna qala boıynsha 3 myńnan astam volonter qatysty. Joba aıasynda 60-tan astam is-shara ótkizilip, 2 myń trafaret pen graffıtı óshirildi.
Sonymen qatar, qaladaǵy komúnıtı-ortalyqtarda nashaqorlyqqa qarsy mádenıetti qalyptastyrýǵa jáne esirtki aınalymyna qarsy qoǵamdyq kúreske baǵyttalǵan túsindirme jumystary, ıntellektýaldyq oıyndar, debattar, vıktorınalar men kvızder júıeli túrde ótti.