«Almaty» ÁKK AQ-nyń enshiles uıymy «Almaty Finance» JSHS «NP Almaty» JSHS-ǵa «Alǵabas» shaǵynaýdanynda 2 000 jáne 1 200 oryndyq eki jalpy bilim beretin mektep salý úshin 5 mlrd teńge bóldi.
Qarjylandyrý Qazaqstandaǵy oqýshy oryndarynyń tapshylyǵyn jáne úsh aýysymdy oqytýdy joıýǵa baǵyttalǵan «Keleshek mektepteri» ulttyq jobasy aıasynda, sondaı-aq qalalyq ákimdik janyndaǵy jobalyq keńsesiniń qoldaýymen iske asyrylyp jatqan «Almaty Business – 2025» óńirlik kásipkerlikti damytý baǵdarlamasy aıasynda júzege asyrylady.
Qaryz boıynsha syıaqy mólsherlemesi jyldyq 10% (JTSM), qarjylandyrý merzimi 1 jyl.
Qaryz alýshy «NP Almaty» JSHS mektepterdi biryńǵaı sáýlettik jáne bilim berý standartyna saı, jaıly, ınklúzıvti jáne qaýipsiz orta qalyptastyra otyryp salýdy josparlap otyr. Mektepter STEM-zerthanalarymen, robototehnıka, fızıka, hımıa, bıologıa kabınetterimen, ıntellektýmmen, kompúterlik synyptarmen, akt zalymen, medıatekamen, kovorkıngpen, sheberhanalarmen, sondaı-aq ashyq oıyn jáne sport alańdarymen jabdyqtalady.
Sonymen qatar, mektepter jas ereksheligine qaraı bastaýysh, negizgi jáne orta bloktarǵa bólinip, árqaısysynda jeke asqana men sport zaly qarastyrylady.
Ǵımarattarda beınebaqylaý, dabyl júıesi jáne qaýip tóngen jaǵdaıda esikterdi avtomatty túrde buǵattaıtyn júıe ornatylady.
Mektepterdi ashý 2026 jylǵy qańtarǵa josparlanǵan.
«Joba qarqyndy damyp kele jatqan Alataý aýdanynda mektep oryndarynyń jetispeýshiligin sheshýge, balalardy jaıly ári zamanaýı oqý jaǵdaılarymen qamtamasyz etýge, sondaı-aq 270-ten astam turaqty jumys ornyn ashýǵa múmkindik beredi», — dedi «Almaty Finance» JSHS basqarma tóraǵasy Berik Qusaıynov.