Aldaǵy jylytý maýsymyna daıyndyq aıasynda Almatynyń Túrksib aýdanynda jylý jelilerin josparly túrde qaıta jańartý jumystary jalǵasýda. Jumys barysynda 1965 jyly paıdalanýǵa berilgen jalpy uzyndyǵy 4,1 shaqyrym bolatyn jylý trassasy aýystyrylyp jatyr.
Osyǵan baılanysty 2025 jyly 29 shildeden 31 tamyzyna deıin Lavrenev kóshesiniń batys jaǵynda Namanganskaıa kóshesi, 43a úıden Maılın kóshesine deıin avtokólik qozǵalysy shekteledi. Qos baǵyttaǵy qozǵalys kósheniń shyǵys jaǵynda uıymdastyrylady.
Qubyrdyń jol boıynyń astynan ótetin bóligin qaıta jańartý jumystarynyń qaýipsizdigin qamtamasyz etý úshin shekteýler engiziledi. Qaıta jańartý kezinde turǵyndarǵa ystyq sý úzdiksiz beriledi.
Atalǵan jylý trassasy 42 kópqabatty turǵyn úıdi, balabaqshany, emhanany jáne taǵy 4 nysandy jylý energıasymen jáne ystyq sýmen qamtamasyz etedi.
Jalpy, bıyl qala boıynsha 39 shaqyrym jylý jelisin jańartý josparlanǵan. Bul tozý deńgeıin 54%-ǵa deıin tómendetýge múmkindik beredi.
Aıta keteıik, qozǵalys shekteýi týraly barlyq aqparat Almaty.kz saıtynda, @AlmatyJoly Telegram-arnasynda, aýdan ákimdikteri men basqarmalardyń áleýmettik jelilerinde, sondaı-aq «2GIS» jáne «Iandeks karty» servısterinde jarıalanady.