Mundaı derekterdi Almaty polıseıleri jasap otyr
Almatyda “Qaýipsiz jol” jedel aldyn alý is-sharasy aıasynda tártip saqshylary reıdtik is-sharalar ótkizýde, dep habarlaıdy Almaty-akshamy.kz Polisia.kz-ke silteme jasap.
Buǵan deıin habarlanǵandaı, damytý, baqylaý jáne jedel aldyn alý is-sharalar aıasynda jol qozǵalysyn qadaǵalaý kúsheıtildi.
«Jedel aldyn alý is-sharalar ótkizilgen kúnderi jeke quram qyzmettiń kúsheıtilgen nusqasyna aýystyryldy, narádtardyń tyǵyzdyǵy artty. Sharanyń basty maqsaty – jol qozǵalysyna qatysýshylardyń joldaǵy tártibi men qaýipsizdigin qamtamasyz etý, jol qozǵalysy erejelerin buzý faktileriniń jolyn kesý, jol qozǵalysy erejeleriniń talaptaryn oryndamaıtyn júrgizýshilerdi anyqtaý», – dedi Almaty qalalyq PD Ákimshilik polısıa basqarmasynyń bastyǵy Nurlan Amanbek.
Polıseıdiń aıtýynsha, avtobýs jáne taksı parkteriniń qyzmeti erekshe baqylaýda.
«Jaqynda ǵana Almatynyń Bostandyq aýdanynda reıdtiń bir saǵatqa jetpes ýaqytynda tıisti sanattary joq, tıisinshe, qoǵamdyq kólikti basqarý quqyǵy joq úsh avtobýs júrgizýshisi anyqtaldy. Júrgizýshiler ÁQbK-niń 612-baby 2-bóligi boıynsha jaýapqa tartyldy. Olardyń qoǵamdyq kólikteri aıyppul turaǵyna qoıyldy. Ruqsat etilmegen adamdardyń jolaýshy tasymaldaýyna jol bergen avtokásiporyn basshylaryna qatysty da ákimshilik sharalar qoldanyldy. Biz osy JAİ aıasynda qalalyq avtokásiporyndar ókilderimen kezdesýler ótkizetinimizdi jáne onda jol qaýipsizdigin qamtamasyz etý boıynsha birqatar máseleler talqylanatynyn aıta keteıin», – dedi N. Amanbek.