Osy jyldyń 20 naýryzy men 7 maýsymy aralyǵynda barlyq belgilengen shekteýlerdi buzǵan 1088 jaǵdaı anyqtaldy.
Almatyda 4-7 maýsym aralyǵynda belgilengen shekteýlerdi buzǵan 36 jaǵdaı anyqtaldy, dep habarlaıdy Almaty-akshamy.kz.
Óńirlik komýnıkasıalar qyzmetiniń málimetine sáıkes, demalys kúnderi monıtorıńtik toptar kúsheıtilgen rejımde jumys istegen.
Aıta ketsek, Almatyda maýsymnyń 4-inen 5-ine qaraǵan túni belgilengen shekteýdi buzǵan 19 jaǵdaı anyqtaldy.
Tártip buzǵandar tiziminde:
Áýezov aýdanyndaǵy «Dostar saraıy» meıramhanasy 150 adamǵa arnalǵan úılený toıyn ótkizgen. Sol ýaqytta Bostandyq aýdanyna qarasty Han Sarai meıramhanasynda da toı ótken. Medeý aýdanynda The Monkey kafesinde 150-ge jýyq adam bolsa, «Nebo» barynda da 120-ǵa jýyq adam jınalyp, zań buzýshylyqqa jol bergen.
Maýsymnyń 5-inen 6-syna qaraǵan túni tekserýshilerdiń mobıldik toby belgilengen shekteýge baǵynbaǵan 14 jaǵdaıdy anyqtady.
Naýryzbaı aýdanyndaǵy «Ilham» meıramhanasynda 150 adamǵa eseptelgen saltanatty is-shara ótken.
Bostandyq aýdanynyń tekserýshileri Hide Park oıyn-saýyq parkiniń fýdkortynda 150-ge jýyq adamnyń jınalǵanyn anyqtady.
Medeý aýdanynda ishinde 150-ge jýyq adam bolǵan «Atmosfera» meıramhanasyn anyqtady. Taǵy bir zań buzýshylyq 200 adam jınalǵan «Leıd Naıd shoýda» anyqtady.
«Dos» kompúterlik klýbynda 40-qa jýyq adam bolsa, Medeý aýdanyndaǵy «Pınta» barynda da 100-ge jýyq adam jınalyp, zań buzýshylyqqa jol bergen.
Almaty ákimdigi qala turǵyndary men qonaqtaryn karantın rejımin qatań saqtaýǵa, juqtyrý qaýpin azaıtý maqsatynda saltanatty is-sharalarǵa, adam kóp jınalatyn jerden aýlaq bolýǵa shaqyrady.