Almatyda “Kamerad” qarý-jaraq dúkenin tonaǵan taǵy eki adam ustaldy
Olar - 27-28 jas aralyǵyndaǵy Almaty oblysynyń eki turǵyny. Bireýi buryn bótenniń múlkin urlaǵany úshin sotty bolǵan, dep habarlaıdy Almaty-akshamy.kz
«Bul joly qaskóıler qarý-jaraq dúkeniniń múlkine kóz salǵan. 6 qańtarǵa qaraǵan túni olar “Kamerad” qarý-jaraq dúkenin tonap, odan 5 tegis uńǵyly myltyq, patrondar men oq ótpeıtin jıdelerdi urlaǵan. Kúdiktiler ustaldy jáne qamaýǵa alyndy. Zattaı aıǵaqtar tárkilendi. Ustalǵandardyń basqa da, sonyń ishinde jappaı tártipsizdikter kezinde oryn alǵan qylmystarǵa qatystylyǵy tekserilýde. Qylmystyq isti Áýezov aýdandyq PB janyndaǵy polısıa bólimi QR QK-niń 291-baby, 3-bóligi boıynsha tergep jatyr», – dep habarlady Almaty qalalyq polısıa departamenti bastyǵynyń orynbasary Berik Ábilbekov.