Almatyda jyl sońyna deıin biryńǵaı vıdeomonıtorıng júıesiniń 50 myń vıdeokamerasy qosylady
Almatyda 2024 jyldyń sońyna deıin 2022 jyly iske qosylǵan biryńǵaı vıdeomonıtorıng júıesiniń (BVMJ) 50 myń vıdeokamerasy qosylatyn bolady. Bul týraly megapolıstiń sıfrlandyrý basqarmasy habarlady.
Jyl basynan beri qazirgi ýaqytqa deıin qala ákimdiginiń jobalyq ofısiniń qoldaýymen shyǵarylǵan 15 myń kamerany eskere otyryp, 45 myń kamera qosyldy, al 2025 jylǵa qaraı bul san 70 myńǵa deıin artady. Vıdeojazbalar 209 jeke jáne 613 memlekettik nysandardan alyndy.
Sonymen qatar, Almatyda jol qaýipsizdigin qamtamasyz etý úshin «Sergek» aparattyq-baǵdarlamalyq kesheniniń (ABK) 300 kamerasy ornatylǵan. Osylaısha, búginde 1 641 ABK jumys isteıdi.
Sondaı-aq, osy jyldyń sońyna deıin 71 densaýlyq saqtaý obektisiniń aýmaǵynda «Qaýipsizdiktiń keshendi júıesi» jobasyn iske asyrý aıaqtalady.