Saıysqa qatysyp jatqan 303 adamnyń 250-ge jýyǵy Almaty qalasynan.
Almatyda júzýden jarys ótip jatyr, dep habarlaıdy Almaty-akshamy.kz
Júzý boıynsha qalalyq chempıonat pandemıadan keıin birinshi ret ótip jatyr. Shara D-Fitness sport-saýyqtyrý kesheni men Almaty júzý federasıasynyń qoldaýymen uıymdastyrylǵan. Saıysqa qatysyp jatqan 303 adamnyń 250-ge jýyǵy Almatydan, al qalǵandary Qyzylorda, Sátbaev qalalarynan, sondaı-aq Qyrǵyzstannan kelgen qonaqtar qatysýda.
«Jarysqa 50 metr qashyqtyqqa erkin júzý boıynsha QR rekordsmeni Aleksandr Varakın, sondaı-aq júzýden Ulttyq qurama men Almaty qalasynyń qurama komandasynyń músheleri de qatysty. Bul startta respýblıka chempıonatyna qatysý úshin Almaty qalasynyń komandasyna irikteý júrip jatyr», - dedi Almaty qalasy júzý federasıasynyń tóraǵasy, halyqaralyq dárejedegi sport sheberi, Azıa oıyndarynyń chempıony, halyqaralyq starttardyń júldegeri Artýr Dılman.
Aıta ketelik, sońǵy jarys 2020 jyldyń naýryz aıynda pandemıaǵa deıin ótken bolatyn. Chempıonatqa 9 jastaǵy balalardan bastap eresekter de baq synap jatyr.
