4306-dan astam bos jumys oryndaryn ornalastyrǵan.
Jumys izdep júrgen almatylyqtarǵa ne isteý kerek, oalarǵa básekege qabiletti túıindeme jasaýǵa jáne laıyqty bos jumys ornyn tabýǵa qaıda kómek kórsetiledi. Bul saýaldarǵa Óńirlik komýnıkasıalar qyzmetinde ótken brıfıń barysynda Almaty qalalyq jumyspen qamtý ortalyǵynyń dırektory Saǵyndyq Kenjebaev jaýap berdi, dep habarlaıdy Almaty-akshamy.kz.
Spıkerdiń aıtýynsha, búgingi kúni jumys berýshiler elektrondy eńbek bırjasyna 4306-dan astam bos jumys oryndaryn ornalastyrǵan.
Aǵymdaǵy jyldyń basynan beri 25 221 adam jumysqa ornalassa, onyń 13 343-i turaqty, 11 878-i ýaqytsha jumysqa ornalastyryldy.
«Azamattar men jumys berýshilerge yńǵaıly bolý úshin 2018 jyldan bastap qyzmetterdi elektrondy formatqa kóshirýdi júzege asyrý bastaldy. Búgingi kúni barlyq qyzmetter onlaın túrde kórsetiledi, bul ótinish berýshini jumyssyz retinde tirkeý jáne jumysqa ornalasýǵa járdemdesýdiń belsendi sharalaryna joldama alý, jumys berýshi úshin bul bos jumys oryndaryn jarıalaý, kadrlardy irikteý, belsendi sharalarǵa qatysýǵa ótinish berý, ártúrli qujattardy usyný. jumyspen qamtý týraly esep berý, - dep habarlady Saǵyndyq Kenjebaev.
Jumyspen qamtý ortalyǵynyń dırektory aǵymdaǵy jyldyń 3 qazanynan bastap 2023 jylǵa arnalǵan sýbsıdıalanatyn jumys oryndaryna qatysqysy keletin jumys berýshilerdiń ótinishterin qabyldaý bastalǵanyn aıtty. Qabyldaý aıdyń sońyna deıin júrgiziledi.
Sondaı-aq spıker azamattardyń jekelegen sanattaryn kvota boıynsha jumys oryndaryna (kvota boıynsha múgedekter – 2171, turaqty jumys oryndaryna – 223, probasıa qyzmeti men bas bostandyǵynan aıyrý oryndarynda esepte turǵandar – 23, jetim balalar – 2, áıelder – 12815 , jastar – 8768, alıment boıynsha bereshegi bar azamattar – 15) jumysqa ornalastyrýǵa erekshe kóńil bólinetinin aıtty.
«Jumys izdeýshilerdi tartý maqsatynda jumyspen qamtý ortalyǵynyń qyzmetkerleri jastar resýrstyq ortalyqtarymen birlesip stıhıalyq «eńbek bırjalarynda», bazarlarda, halyq kóp jınalatyn oryndarda, jumyspen qamtýǵa járdemdesýdiń sharalary boıynsha túsindirý jumystaryn júrgizdi. Atap aıtqanda, «Altyn Orda» ámbebap bazary aýdanyndaǵy «Barlyq», «Baraholka», «Sary Arqa», Sholohov kóshesi boıyndaǵy «Almaty-1» sıaqty bazarlar qamtyldy», - dedi Saǵyndyq Kenjebaev.
Kezdesýler barysynda jumys izdeýshilerdiń basym bóligi Almaty qalasynyń turǵyndary emes ekeni belgili boldy. Kásiptik baǵdar berý jumystary júrgizildi, bosturǵan jumys oryndar usynyldy, Kásipkerlikti damytýdyń ulttyq jobasyna qatysý múmkindikteri boıynsha túsindirmeler berildi, jumysqa ornalasýǵa jáne memlekettik qyzmetterdi alýǵa kómek kórsetý máseleleri boıynsha konsýltasıalyq qyzmetter kórsetildi.
Sonymen qatar, jumyspen qamtý ortalyǵy turaqty túrde bos jumys oryndary jármeńkesin ótkizip turady. Jyl basynan beri 28 bos jumys oryndary jármeńkesi ótkizilip, oǵan 8 myńnan astam adam qatysty (1000-ǵa jýyq adam jumysqa ornalastyryldy).
Almaty aglomerasıasy aıasynda bıylǵy jyly Almaty oblysynyń jumyspen qamtý ortalyqtarymen birlese otyryp, Esik qalasynda eki bos jumys oryndary jármeńkesi ótti. Jyl sońyna deıin Qaskeleń qalasynda bos jumys oryndary jármeńkesin ótkizý josparlanýda.
19 qazan kúni saǵat 11:00-de Arbatta jalpyqalalyq bos jumys oryndary jármeńkesi ótedi dep josparlanýda. Sharaǵa qalanyń 150-den astam kásiporny qatysady dep kútilýde. Osy múmkindikti paıdalana otyryp, jumys izdep nemese qyzmetker tapqysy keletinderdiń barlyǵyn jalpyqalalyq bos oryndar jármeńkesine qatysýǵa shaqyrǵym keledi.
Barlyq qyzyqtyratyn suraqtar boıynsha azamattardy qabyldaýǵa barlyq jaǵdaı jasalǵan jumyspen qamtý ortalyǵyna habarlasýǵa bolady. Azamattarǵa yńǵaıly bolý úshin qabyldaý «bir tereze» júıesi boıynsha júzege asyrylady. Sondaı-aq ózine-ózi qyzmet kórsetý aımaǵy bar, onda barlyǵyna ınternetke kirý múmkindigi bar kompúter beriledi. Mekenjaıymyz: Dostyq dańǵyly, 85, «Áleýmettik qyzmet kórsetý úıi».
Sonymen qatar, jumyspen qamtý ortalyǵynda 310-21-31 biryńǵaı nómiri arqyly Call-ortalyǵy jumys isteıdi.
Sondaı-aq, onyń jeke saıty (cz-almaty.kz) áleýmettik jelilerdegi paraqshalary bar, onda qala turǵyndary óz suraqtarymen habarlasa alady.
Almaty qalasynyń Óńirlik komýnıkasıalar qyzmetiniń habarlamalary men materıaldaryn taratý kezinde ÓKQ-ge silteme jasaý mindetti.