Burynǵy sottalǵan 40 adam Almaty qalalyq Jumyspen qamtý ortalyǵyna jumysqa ornalasýdy josparlap otyr
Óńirlik komýnıkasıalar qyzmetinde ótken brıfıńte Almaty qalasy ákimdiginiń halyqty jumyspen qamtý ortalyǵy dırektorynyń orynbasary Ádilet Jańabaev buryn sottalǵandardy beıimdeý jáne jumysqa ornalastyrý qalaı júrgizilip jatqanyn baıandap berdi, dep habarlaıdy almaty-akshamy.kz
Almaty qalasynyń ákimdigi jyl saıyn halyqtyń jekelegen sanattaryn jumysqa ornalastyrý úshin kvota bóledi, sonyń ishinde buryn sottalǵandar da bar.
«Aǵymdaǵy jyly Almaty qalasy ákimdiginiń 2022 jylǵy 17 qarashadaǵy № 4/607 qaýlysyna sáıkes, probasıa esebinde turǵan adamdardy jumysqa ornalastyrýǵa kvota bólingen uıymdardyń tizimine 11 uıym engizildi. Qalalyq jáne bas bostandyǵynan aıyrý oryndarynan bosatylǵan tulǵalarǵa Kvota – 0,2 adamnan 5 uıym kirdi», - dep túsindirdi A.Jańabaev.
Spıkerdiń aıtýynsha, probasıa qyzmetiniń esebinde turǵan 41 adamdy jáne bas bostandyǵynan aıyrý oryndarynan bosatylǵan 10 adamdy jumyspen qamtý josparlanýda.
Búgingi tańda probasıa qyzmetiniń esebinde turǵan tulǵalardyń arasynan 36 adam jumyspen qamtý ortalyǵyna júgingen. Solardyń ishinen:
- 11 adam jumysqa ornalastyryldy (onyń ishinde 2 adam turaqty jumysqa, 5 adam ózin-ózi jumyspen qamtýǵa, 4 adam qoǵamdyq jumys oryndaryna ýaqytsha jumysqa);
- jumys izdeýshi retinde tirkelýden bas tartqany – 6 adam;
- 17 adam usynylǵan jumys nusqalaryn ýaqtyly habardar etpeý, kelisim bermeý nemese qabyldamaý saldarynan esepten shyǵaryldy;
- jumyssyz retinde esepte turǵany – 2 adam.
Bas bostandyǵynan aıyrý oryndarynan bosatylǵandardyń ishinde 2 adam ótinish bildirgen.
- 1 adam tirkeýden shyǵarylǵan (zańmen belgilengen merzimde (5 kún) usynylǵan bos jumys orny boıynsha dáleldi sebeptersiz kelmeýine baılanysty);
- 1 adam jumyssyz retinde tirkelgen.
«Atalǵan sanattaǵy turǵyndarmen jumys aýdandyq probasıa qyzmetimen tyǵyz baılanysta júrgiziledi. Jumyspen qamtý ortalyǵy men probasıa qyzmetiniń ózara árekettesý algorıtmi kelisilgen probasıa qyzmetkerleriniń qatysýymen kezdesýler ótkizý tájirıbede bar», - dep túsinik berdi spıker.
Barlyq suraqtar boıynsha turǵyndar 310-47-82 telefony boıynsha call-baılanys ortalyǵyna habarlasa alady.