Almatyda nashaqorlyq pen esirtkige qarsy kúres aıasynda uıymdastyrylǵan marafonǵa JQAJ qyzmetkerleri qatysty.
Almatyda jyldam qımyldaıtyn arnaıy jasaqtyń 50 qyzmetkeri marafonǵa qatysty, dep habarlaıdy Almaty-akshamy.kz Polisia.kz-ke silteme jasap.
«Maqsat – nashaqorlyq pen esirtki qylmysynyń aldyn alý, sondaı-aq salaýatty ómir saltyn nasıhattaý. Departament basshylyǵy jurtshylyqtyń bastamasyn jáne Almatynyń ıgi dástúrin qoldady, óıtkeni biz bárimiz onyń turǵyndarymyz. Bizdiń qyzmetkerler tapsyrmany tamasha oryndady. Jaýyngerlik bólim taǵy bir márte óziniń sporttyq daıyndyǵy, ustamdylyǵy men tártibiniń deńgeıin kórsetti», – dedi Almaty qalalyq polısıa departamenti bastyǵynyń orynbasary Erjan Uzabaev.
Uzabaevtyń aıtýynsha, dene shynyqtyrý jáne sport, jarystarǵa qatysý polısıa qyzmetkerlerine jedel tapsyrmalardy sátti oryndaýǵa yqpal etetin jańa daǵdylardy meńgerýge kómektesedi.
«Alǵashynda marafonǵa polısıa qyzmetkerlerin kóptep tartý josparlanǵan bolatyn. Alaıda aýqymdy jarys kezinde qoǵamdyq tártipti qorǵaýdy polısıa qamtamasyz etetinin, al qatysýshylardyń júrip-turý baǵyty boıynsha polısıa qyzmetkerleri qyzmette bolatynyn eskerip, ázirge tek bir bólimniń ókilderin qatystyryp, ózimizdi shektedik. Óıtkeni jol qaýipsizdigi máseleleri tártip saqshylarynyń kelisilgen jáne kásibı is-áreketine baılanysty bolmaq. Almatylyq polısıa garnızony qalanyń qoǵamdyq mańyzy bar mádenı-sporttyq is-sharalaryna árqashan belsene qatysatynyn atap ótkim keledi», – dedi Uzabaev.