Búginde Almaty qalasy uzyndyǵy 3097 km jol bar. 2023 jyly uzyndyǵy 200 km 175 kóshedegi jol jabynyna ortasha jóndeý júrgizildi, dep habarlaıdy almaty-akshamy.kz
2024 jyly uzyndyǵy 250 km 274 kóshede jol jabynyna ortasha jóndeý júrgizý josparlanǵan. Kóshelerdiń tolyq tizimi men joldy ortasha jóndeý jumystarynyń jospary tehnıkalyq qujattamaǵa saraptama qorytyndysyn alǵannan keıin sáýir aıynda jarıalanady.
Ortasha jóndeý kezinde jol tósemderiniń tozý qabaty men tegistigin merzimdi qalpyna keltirý, sondaı-aq jer tóseminiń, sý burýdyń, jasandy, qorǵanysh, nyǵaıtý, retteý jáne basqa da jol qurylystarynyń zaqymdanýyn túzetý, jol tósemin qıylysta jáne oǵan jaqyn jerde keńeıtiledi nemese taryltady, avtoturaqtar, aıaldama qaltalary men alańdar, trotýarlar men velosıped joly jasalady. Ortasha jóndeý jumystardyń kólemi qala joldarynyń KJJ kóliktik-paıdalaný jaı-kúıin dıagnostıkalaý nátıjesi men aqaýlar vedomostary negizinde jasalatyn smetalyq esepteýmen aıqyndalady.
Sonymen qatar, aýa raıy qolaıly bolsa, aýdan ákimdikteri jolǵa aǵymdaǵy shuńqyrly jóndeýdi bastaıdy. Jol materıalymen qamtamasyz etý maqsatynda asfáltbeton zaýytynyń jumysy merziminen buryn iske qosyldy.
- Almaly aýdanynda aǵymdaǵy jóndeýmen búkil aýdan boıynsha 39,8 myń sharshy metr jol tósemin qamtý josparlanǵan. Sáýir aıynda 8 myń m2 jóndeýdi bastaý josparlanǵan. Atap aıtqanda, aǵymdaǵy jóndeý josparyna Nazarbaev dańǵylynyń boıy Abaı men Raıymbek dańǵyly aralyǵynda ýchaskeler; Tóle bı kóshesiniń boıy Nazarbaev dańǵylynan Baıtursynov kóshesine deıin; Abylaı han kóshesiniń boıy Tóle bı kóshesinen jáne Raıymbek dańǵylyna deıin t.b. aýmaqtar kiredi.
- Medeý aýdanynda 2024 jyly aǵymdaǵy jóndeý aıasynda 50 myń úıdi jóndeý josparlanýda. Jumys 2024 jyldyń II toqsanynda bastalady dep josparlanǵan. Aǵymdaǵy jóndeýmen Gogol, Maqataev, Qaıyrbekov kóshesi, Dostyq dańǵyly, Qonaev kóshesi, Qaldaıaqov kóshesi, Lýganskıı, Mámetova kóshesi, Nazarbaev dańǵyly jáne t.b ýchaskeler qamtylady.
- Bostandyq aýdanynda 2024 jyly aǵymdaǵy (shuńqyrly) jóndeýmen joldar men trotýarlardyń 30 myń sharshy metrden astam asfált jabynyn qalpyna keltirý josparlanǵan. Bıyl sáýir-mamyr aılarynda Q.Salyqov kóshesi, Araıly kóshesi, J. Úshkempirov kóshesi, Jandosov kóshesi, Buqar Jyraý býlvary, Taldy kóshesi, Sentralnaıa kóshesi jáne t.b. aýmaqtaǵy joldy jóndeý bastalmaq. Aǵymdaǵy jóndeýmen aýdannyń 100-ge jýyq kóshesi qamtylady.
- Túrksib aýdanynda búkil aýdan boıynsha 30 myń sharshy metr jumys kólemimen jol jabynyna aǵymdaǵy (shuńqyrly) jóndeý jumystary bastaldy. Shuńqyrlardy jóndeý myna aýmaqtarda júrgiziledi: Lavrenev kóshesi, qala shekarasynan VAZ-ǵa deıin; Súıinbaı dańǵyly, Bekmahanov kóshesinen jańa kópirge deıin; Danalyq kóshesi, Shemákın kóshesinen Volochaev kóshesine deıin; Shelkovo kóshesi, Súıinbaı dańǵylynan Gete kóshesine deıin; Bekmahanov kóshesi, Súıinbaı dańǵylynan Bartold jáne Shemákın kóshesine deıin, Hmelnıskıı kóshesinen Rysqulov dańǵylyna deıin.
- Jetisý aýdanynda joldardy shuńqyrly jóndeý naýryz aıynyń ortasynda bastaldy, 35 myń sharshy metr jol qamtylady. Jumys osy jyldyń qarasha aıyna deıin jalǵasady. Kýderın kóshesindegi Raıymbek dańǵylynan Rysqulov kóshesine deıingi; Jansúgirov kóshesindegi Boraldaı kóshesinen Jumabaev kóshesine deıingi; Jangeldın kóshesindegi Rysqulov kóshesinen Raıymbek dańǵylyna deıingi; Qulager, Aınabulaq, Kemel shaǵyn aýdandaryndaǵy, Jumysshy kenti; Raıymbek jáne Súıinbaı dańǵyldarynyń qıylysyndaǵy ýchaskeler aǵymdaǵy jóndeýden ótedi.
- Áýezov aýdanynda 2024 jyly aǵymdaǵy jóndeý aıasynda 50 myń sharshy metr jol jabynyn qalpyna keltirý josparlanýda. S.Shaımerdenov kóshesi-Jandosov kóshesi qıylysy; Altynsarın dańǵylynyń qıylysy-Qabdolov kóshesi; Qabdolov kóshesi, 2; Ótegen batyr-Altynsarın dańǵyly; Abaı dańǵyly-Momyshuly kóshesine jetpeı; Taýgúl-1 shaǵyn aýdany, Súleımenov kóshesi; Jandosov kóshesi batys baǵytta; Altynsarın dańǵyly-Jubanov kóshesiniń qıylysyndaǵy ýchaskelerge aǵymdaǵy jóndeý júrgiziledi.
- Alataý aýdanynda 30 myń sharshy metr jol tósemin jóndeý josparlanyp otyr. Jumysty osy jyldyń sáýir aıynda bastalady. Janqoja batyr kóshesi, Áýbákirov kóshesi, Tákejanov kóshesi, Jalaıyr kóshesi, Shoǵan Abyz kóshesi, Tilendıev kóshesi, ÚAK boıy, Rysqulov dańǵyly, Raıymbek dańǵyly jáne t.b. aýmaqtarda shuńqyrly jóndeý jumystary júrgiziledi.
- Naýryzbaı aýdanynda aǵymdaǵy jóndeý aıasynda joldardyń 45 myń sharshy metrin qalpyna keltirý josparlanýda. Q.Nadyrov kóshesiniń boıy Sholpan kóshesinen Tájıev kóshesine deıingi; Tájıev kóshesiniń boıy Nadyrov kóshesinen tuıyqqa deıingi; aýdan shegindegi Jandosov pen Qonaev kósheleri jáne t.b. ýchaskeler aǵymdaǵy jóndeýden ótedi.
Jyl basynan beri aýdan ákimdikteri qala joldarynda paıda bolǵan shuńqyrlardy baqylaý júrgizgen. Sondaı-aq, aýdan ákimdikterine turǵyndardan paıda bolǵan shuńqyrlar boıynsha shaǵymdar kelip túsedi.
Barlyq ótinish pen monıtorıń negizinde aýdan ákimdikteri joldardy aǵymdaǵy – shuńqyrly jóndeý jumystaryn júrgizedi.